独家丨周秀娜直认跟黄浩然拍亲热戏超兴奋 同黄宗泽拍《叠影》床戏熟到瞓住吹水

继去年合作剧集《黑金风暴》后，周秀娜跟黄浩然再于新剧《叠影狙击》中合作。前者分演孪生姐妹，周旋于浩然及黄宗泽之间，当然亦有亲热戏，娜姐表示由于跟两人太熟，同黄宗泽拍床戏时喺张床吹水，至于跟浩然拍揽锡戏，仲唔怕激嬲对方老婆，笑言：「见到佢就超兴奋」。采访：杜杜 摄影：Stanley 发型:Heibie Mok@Artify Lab(周)、Dy@WABI HAIR(黄) 化妆:Circle Cheung(ndnco.co)(周)、Jenny Shih(黄) 装:Moschino(Bluebell Hong Kong)(周)、CLOT(黄) 场地:Fridge

娜姐同浩然第2度合作，因为好Friend，拍亲热戏完全零尴尬。

恨演反派好耐的浩然，今次角色复杂相当好玩。

娜姐饰演的家姐是新加坡特警队长「魏晓晨」，妹妹就是保险公司职员「梁曦」，为查明妹妹发生意外原因，家姐向浩然饰演的集团CEO「涂文诺」埋首搵证据，「每个人我都怀疑，觉得有机会系凶手，加上唔认识嗰啲人，所以对住佢哋唔可以表露太多，讲嘅嘢唔系真实字面意思，可能表达紧另一样嘢，尤其对住佢（浩然）嘅时候。」

娜姐今次分饰两角有一定难度，但可以过足戏瘾。

新加坡特警队长「魏晓晨」 ，未能接受孪生妹妹「梁曦」死讯。

浩然开心观众有惊喜

浩然觉得跟娜姐的角色互相猜忌之馀，仲有感情成份，令演绎这个奸角复杂又好玩，「好似叫佢帮我做唔好嘅嘢，但实际上系锺意呢个人，我接到呢个角色就谂，佢做咁多坏事，希望畀观众睇到佢嘅目的，会动真情，系有理由去做啲唔好嘅嘢，譬如佢对娜姐表白，对佢好，咁样观众睇到唔会觉得好表面。睇返网民意见都话OK，都几喜欢，觉得有啲惊喜，同一般嘅反派唔同。」

「涂文诺」表面上是个殷实商人，实则坏事做尽。

剧中浩然跟黄宗泽对立，有不少对手戏。

戏中浩然和娜姐有亲密戏，浩然爆娜姐料：「佢嗰日好开心呀！」娜姐狂笑点头：「我好开心呀！因为拍完就收，哈哈！见到佢就超兴奋。」原来娜姐因为煞科而兴奋，浩然笑言：「佢好期待呢场情感戏发生，终于可以飞甩呢个角色。」至于娜姐第3度与黄宗泽合作，对方演妹妹的男友、香港重案组高级督察「袁晟杰」，娜姐觉得两人拍感情戏时，完全有老夫老妻感觉，「好熟悉，好放心，大家好有默契，最好笑系我哋拍亲热戏拍得最快，哈哈！因为大家已经熟到，毫不尴尬。」浩然搞笑插嘴，「得啦，嗱嗱声，收工呀！」娜姐再补充，「我们可以等打灯时，喺张牀度倾吓时事，哈哈！」

剧中娜姐主动埋浩然身，希望查明妹妹意外死亡真相。

娜姐跟黄宗泽有不少床戏，由于太熟而拍得特别快。

娜姐常受伤买重保险

分饰两角的娜姐觉得演绎上最难，是面对不同角色关系时，两姐妹处理态度会不同，「如面对阿妹男朋友（黄宗泽演），我唔系佢女朋友嘛！身体上每次俾佢掂或者锡系好抗拒，因为纯粹只系想佢帮我查啲嘢啫！」另一样困难是大量动作场面，娜姐觉得记招式最头痛，「拍动作戏来来去去都系嗰啲招式，最重要反而系流畅度，冇理由打完一吓，唔记得咗下一个动作，停咗喺度，特警平时系做开呢样嘢，唔可以唔熟。」不幸地娜姐因尽力练习，搞到未开拍已受伤，「开头叫我挞人，我比较惊，其实武师做咗咁多年，根本冇嘢，咁不如我试吓畀人挞，就知道系冇事，咁样就出事嘞！」最终她的一小节肋骨裂了，所以开拍初期先拍文戏，但后期才拍动作戏一样触伤旧患，搞到膝盖红肿。问娜姐拍戏经常受伤会否买重保险？她笑指，「咁呢啲新闻唔好出住，等我买咗保险先，哈哈！」

娜姐开拍前苦练动作搞到受伤，肋骨裂了。

娜姐希望动作场面可亲身上阵，唔想吓吓遮住块面。

剧中家姐为妹妹追查真相，牺牲好大，问娜姐现实会否为家人咁做？她笑言：「希望现实中唔会有呢啲嘢发生，千万唔好有呢啲挣扎位！」另外，娜姐亦跟角色一样重视亲情，「屋企人系最重要，做乜嘢都系因为有佢哋喺背后支持。」

娜姐由于压力大拍到暴瘦，拍完即狂去旅行放松。

 

 《星岛头条》新网站有更多精彩内容：http://www.stheadline.com/