独家丨傅嘉莉赞星爷墨宝有神效跪求合作扮「火鸡姐」有正评当精神食粮

2023-11-03 07:00

傅嘉莉（Kelly）在剧集《香港人在北京》饰演男人婆「Funny」，大玩剧本杀化身《食神》及《少林足球》经典角色「火鸡姐」和「阿梅」受关注，为扮得神似甘愿变「飞机场」，最搞笑难得有正评，开心视留言为精神食粮，甚至大晒星爷墨宝，透露有神奇功效𠻹。采访：杜杜摄影：罗安强发型 :Ray Mork@Admix hair styling 服饰:@faa official hk 场地:荷里活广场莆田

Kelly虽然做过9年模特儿，但零偶包唔一定要做靓女角色。

Kelly花了不少功夫准备扮嘢戏份，除了狂loop两个角色的片段，模仿当中神髓外，还在造型上花心思，就连身形亦刻意配合，「50几日拍晒套剧都几急赶，我越拍越瘦，『Funny』系男人婆，唔应该有丰满身材，加埋我着sport bra真系所净无几，好似飞机场，都几似当时莫文蔚咁瘦，好啱个角色。」为配合剧情，Kelly专登用平价假牙，因为太松竟然谂到以Blu Tack黐住，「临拍时就抺乾晒啲牙，唔饮水，有口水就会甩，仲要用丹田讲嘢，慢慢讲先讲得清楚啲字。」

Kelly扮「火鸡姐」但讲「阿梅」对白，相当神似。

Kelly本身并非「飞机场」，但为角色唔介意牺牲。

为同星爷合作乜都制

重现经典有人赞，亦难免有负评指旧瓶新酒，不过无损Kelly心情，「今次负评算少，99.9%系好，得嗰0.1%算闹得少，仲有网民帮我平反𠻹，话好多作品都有仿效之前作品，所以唔会令我唔开心，反而佢哋嘅留言成为我近期精神食粮，有时唔开心都会即刻睇返，好有正能量。」

剧中Kelly最初暗恋洪永城，最终发展成为一对。

拍摄《香港人》其间，Kelly不用开工就上堂及做功课。

Kelly是星爷忠粉，大赞偶像所送的「心想事成」墨宝超灵验，「除咗我今次个角色受关注，读书一take pass（宝石学文凭），嗰时谂住就嚟考试，星爷出post问边个想要，完全冇谂过会得到。」为见到星爷，她更自荐求合作，「佢有套电影公开招募嘛，我都悉心准备咗个profile寄去，有机会合作做乜都得，可以做条死尸，一日导演唔嗌cut都做落去，哈哈！」