独生子谋住两老层楼 扬言唔留唔装香 网民眼火爆：父母唔稀罕你枝香｜Juicy叮
2023-10-20 08:14 
有港男早前在网上「香港讨论区」以「层楼留唔留畀我？一个答案系咪咁难？」为题发帖，向网民查问「你哋会唔会同仔女讲遗产留唔留畀佢？」。结果被网民大肆教训「省到立立令」，提醒「好仔不论爷田地，好女不论嫁妆衣」。
独生子谋住层楼留言逐张睇↓↓↓↓
楼主：留就一个字 唔留就两个字
楼主在帖文中称「层楼留唔留畀我？留就一个字，唔留就两个字，一个答案系咪真系咁难？
我系独生，但我好肯定唔打算有下一代，所以我系个家族最后一代，如果畀我继承我第时或者多多少少会执下个家啲手尾，过时过节嚟装下香咁。
如果你情愿玩逆按或套现Fing晒佢都唔留畀我，呢个家族就真系全剧终！我乜都唔会理！
想问下你哋会唔会同仔女讲遗产留唔留畀佢？」。
独生子谋住父母层楼 网民教训式回应↓↓↓↓
楼主打开天窗说亮话，回应的网民也讲得直接：
•「未到最后一刻都唔会讲，亲生仔不如近身钱」、
•「正常应该系咁，除非独生子女真系太衰」、
•「如果得一个子女，应该唔驶讲都系留返畀佢，除非个子女太衰，可能就有其他想法」、
•「一直唔讲实，就系想畀机会你表现自己，如果到最后坚系唔留，咁都系你一手造成，系你唔值得拥有他们毕生努力嘅成果」、
•「普通人家的独生子女理论上唔洗争产，平时做好自己本份，自食其力，孝顺父母，其他嘢唔洗谂咁多」、
•「问你一句！一句讲晒你有冇供养父母？唔系每个月畀几百一千就算，真系供养起码每月畀5千」、
•「父母在生要好好好佢哋，要供养，过时过节要送礼，要陪佢地睇医生，要听佢地讲心事，你做到几多？乜都唔做，净想要楼？」。
独生子谋住父母层楼 网民教训式回应↓↓↓↓
网民：冇钱就要逆按 唔通饿死
对于逆按，网民有这样想法，「正常应该要咁做，如果唔系无饭开」、「冇钱生活都要去逆按㗎啦，唔通饿死」、「咁又系喎，如果佢得返层楼，又无生活费，唯有做逆按揭」、「无钱生活就要做逆按啦！」、「我都系喺网上睇啲消息见有人咁，佢话佢个仔好烂赌争落人哋好多钱，冇钱畀佢，佢又冇晒钱生活唯有咁做」。
另有人指出「见有啲人有咁情况，就算佢而家有一间唔使供嘅楼，但系佢冇晒钱经济生活开支都有问题，除非独仔个个月畀家用养佢，如果唔系佢唯有变卖间楼或者做逆按揭做生活费罗」。
有部分网民更指，有为人父母的老早决定不给子女留遗产——「都有见过有父母立平安纸扣除殓葬费用，全数捐出」、「听人讲过，有个人死后捐晒畀教会，不留给子女」、「我识得有人是捐了给教会」。
网民教训楼主：你父母唔稀罕你枝香
由于有网民嗅到争产味，在言谈间教训楼主：
•「睇到你嘅post，我理解你父母」、
•「如果你咁讲，我系你阿爸都唔会留畀你」、
•「楼主，你两老会唔会谂，生旧叉烧好过呢？」、
•「问得出呢D问题嘅，人品有几好？留畀你？睇怕难啦」、
•「第时直接海葬或者纪念花园，再唔系葬沙岭，唔稀罕你枝香」、
•「果真孝子也，有钱有得倾，无钱话之你瞓天桥底，完全唔关我事，极品之中，真系大开我哋三观！」、
•「楼主有咁谂法，已经知你有几废。老人家就系惊D仔女废，自己无钱过下半世，先想留返间屋畀自己住到终老，有乜事都可以套现，到两脚一伸，都唔知现世发生乜事，你唔去上香，who care（谁人在乎）？ 大把case（个案）间屋一转名，就赶两老出门口」、
于是有人力劝楼主「靠自己吧」、「好仔不问爷田地」、「好仔不论爷田地，好女不论嫁妆衣」。
一家唔知一家事相关新闻：
获父荫250万资助买楼唔心足？ 港女眼红已婚阿哥住父母大屋
老人交代银行密码爆争议 孙女伺候数日无动静 偷拍片揭后续超心寒......
与父母同住阿哥家姐唔畀家用 独居港女：黐饮黐食就老冯......
—————
《星岛头条》APP经已推出最新版本，请立即更新，浏览更精彩内容：https://bit.ly/3yLrg
最新回应