初选案︱何桂蓝被法官质疑法庭非政治演说埸合

「35+」初选案续审，被告何桂蓝今午于西九龙法院反驳《香港国安法》指定法官陈庆伟指初选并非浪费金钱时间时，直言「绝多数香港人心底里知道中共治下争取民主从来都系一场妄想⋯⋯」被法官李运腾打断并指这非政治演说的场合。何桂蓝不忿指「你问完问题又唔畀我答我觉得好唔公平」，陈官反驳其答案与案无关，何桂蓝直指「其实你哋对立法会理解咁少，你点分咩系relevant（相关）咩系唔relevant？」又指「你呢个判断系好有瑕疵嘅」。陈官严词反驳其错误只应由上诉庭纠正。

大律师Trevor Beel引述何桂蓝6月26日发布的一条片段内指「民主派如果可以喺呢一个立法会选举达成一个不可能嘅任务，攞到35席，攞到立法会过半嘅主导权，我哋就可以逼出一个北京冇可能接受到嘅局面，从而令到佢用更加疯狂嘅方式去应对，要付出更加高昂嘅政治代价」。何桂蓝解释当时主流认为「唉横掂全部都系会DQ㗎喇，啖重投来做咩呢咁⋯⋯」，自己便拍片回应指即使不可能达致35席，对方一定会以DQ 等方式阻止也好，但仍然认为要继续举行选举。

何桂蓝指出「点解话个选举仍然要打落去，就系我哋明知系冇可能真系喺个选举度攞35席，明知国安法会有所行动，我哋都要搵一个方法去展示当时香港人嘅政治意志，去证实香港人系有呢一个我形容系实力去攞到嗰个席数嘅」，惟强调「香港人嘅任何行动，其实最终都只系可以逼个政权做一个选择，佢不得不回应，佢不得不喺镇压同妥协之间做选择，但系从来都冇人逼佢镇压嘅」。

何桂蓝续指如港人知道民主派不可能过半，然后「佢哋决定算喇啖我唔投票喇，啖北京嘅目的就达到喇。如果民主派嘅选民连票都唔出来投，其实北京根本就唔需要处理任何嘢。但系无论初选又好，正式选举又好，如果香港人仍然去投票，畀香港、北京甚至全世界就会见到香港人本身系有攞到35席呢个实力同埋意志啖无论北京系用DQ去应对，定系选咗立法会之后定点样，佢都要面对一个好大嘅合法性危机，因为全世界都会见到，呢个根本唔系香港人嘅意愿，北京系透过操纵选举来掩盖咗香港人嘅真正意愿」。

《香港国安法》指定法官陈庆伟再次问到何桂蓝有否向戴耀廷提及初选浪费金钱时间？何桂蓝回应指社运绝少能达成原初诉求，惟过程中仍能「建立一啲嘢，打开咗新嘅空间」，故非常不同意陈官结论，激动直言「绝多数香港人心底里知道中共治下争取民主从来都系一场妄想⋯⋯」法官李运腾打断何桂蓝，吁其冷静并指这非政治演说的场合，何桂蓝反驳指「你问完问题又唔畀我答我觉得好唔公平，即系法官就可以定义呢场嘢，然后put to me ，但系我又唔畀答」。陈官反驳指何桂蓝答案与案无关，何桂蓝直指「其实你哋对立法会理解咁少，你点分咩系relevant（相关）咩系唔relevant？」陈官反驳「我已任职法官25 年，或许不知道很多事情，但我知道甚么是相关，甚么是不相关」。何桂蓝再直指「但系你唔唔知咩叫分组点票⋯⋯我就系要指出你呢个判断系好有瑕疵嘅」。陈官严词反驳其错误并非由何桂蓝纠正，而是由上诉庭纠正。

何桂蓝提到自己未曾亲自向戴耀廷表达民主派「35+」不可能的说法，惟想起新界东第二次协调会议讨论运用立法会权力条款时，未尝提及一定要有35+作为条件，反映当时「35+攞唔攞到已经唔系大家关注嘅事情」。

Trevor Beel引用何桂蓝初选前3张宣传单张，何桂蓝解释由于「超区」参选人中相对可以接受岑敖晖的政治立场，故传单中附上其头像一同宣传。传单中指参与议会并不是因为仍然相信制度，何桂蓝解释不是指相信进入议会能争取诉求，而是即使制度再不利，仍相信港人不甘屈服。至于「破局」，何桂蓝则解释指2020年5月底宣布订立《香港国安法》，美国对港政策作出相应反应后影响深远，「好多人觉得5月底嗰个时空揽炒已经发生咗㗎喇」，「揽炒」故不再是目标，遂提出「破局」。何桂蓝解释「局」指「当权者会设立好多唔公平嘅规矩，然后威胁你一定要跟住佢呢啲规矩玩，令你觉得你必须要接受呢个就系现实，系冇alternative嘅」，续指「但系我哋而家就系讲紧，只要香港人够齐心嘅话，我哋系可以突破到呢一啲规矩，令到当权者冇办法再透过呢啲规矩嚟到去控制香港嘅局面，啖佢就要谂，究竟佢系要回应民意呀，定系要用其他方法，再去掌握个局面」。

Trevor Beel再问「当香港正式步入揽炒年代」之意，何桂蓝解释当年5月中美各有反应之后，「唔少人觉得已经去到一个大国角力嘅level喇，啖香港重可以做乜嘢呢？」续指甚至由当时开始，港人关注美国政治甚于本港政治，不再反思香港人有何事可为，只在想美国可以如何对付中共。何桂蓝表明不同意此一说法，回应指「啖样只系将香港人以前对政治明星嘅祟拜或者依赖，转移咗去啲外国政府嗰度，但系2019其中一种精神就系在于我哋每个人都唔可以再有一种靠人嘅心态，要去谂自己可以做啲咩，当时好多人就即系连香港人自己都觉得香港好似只系一只棋子⋯⋯甚至有啲人觉得，我哋应该主动迎合我哋系大国角力之间嘅棋子角色，而我嘅睇法系香港人应该坚持返自己抗争，做返自己嘅嘢」。

何桂蓝再解释「顶住因为揽炒而来的阵痛」意思，何桂蓝解释「因为我认为香港嘅运动，从来都唔系为咗要破坏香港，从来都系为咗去争取一个更加好嘅香港，但系喺过程中我哋好难免要承受一啲嘅打压」。何桂蓝交代单张原有内容关注本地法律、初选意义、9月选举部署等，5月底宣布订立《香港国安法》后所有单张内容一律改为立法影响，然而自己单张从未提及五大诉求及财政预算案。

法庭记者：陈子豪

---
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ