初选案｜出席论坛一再声言「打倒共产党」何启明：愤慨之言 

民主派47人参与「35+」初选，涉嫌计画立法会过半无差别否决财案被控，16人否认串谋颠覆国家政权罪。法官今午于西九龙法院问到被告何启明曾于选举论坛多次提到「打倒共产党」，何启明解释只属愤慨之言，「情形就好似你真系愤慨嘅时候，你讲粗口都唔系真系嗰个意思」，续指实为对共产党的批评，因为「由831条例（决定）去到国安法，都系见到佢冇兑现返喺基本法入面畀香港人嘅嘢」。 

副刑事检控专员万德豪引述何启明论坛发言指「我哋面对呢个极权呢，佢就系不断来到打压我哋，所以反抗系我哋唯一嘅出路，我哋唔会同呢个极权有咩嘢好倾㗎喇」，问到极权指的是香港还是中国政府，何启明答是香港政府，「因为中央政府唔会同我哋倾」。《香港国安法》指定法官陈仲衡指「我哋唔会同呢个极权有咩嘢好倾㗎喇」，语意与施德来发言相近，何启明否认，指当时被问到民协「又倾又砌」，「民协畀人闹咗30年又倾又砌，话我哋摇摆不定、话我哋骑墙，啖所以我知道佢系有呢个意思嘅时候，我要喺短时间回应佢⋯⋯ 要用最短时间展示返民协系一个坚定嘅民主派，所以话无嘢好倾，但系呢个系一个形象上嘅展示。我哋要明白政治嘅本质，就系有倾呢个过程」，又补充「要回应佢嗰个形象嘅攻击」。 

法官李运腾追问即其口不对心，论坛中并无表达真诚信念？何启明否认，解释「政治本质系啖㗎嘛，你个形象要坚定，但操作上避免唔到倾」。李官再追问即关键在虚伪？何启明答「希望将民协定位系一个坚定嘅民主派，至于系咪虚伪呢，啖选民就自行决定喇」。万德豪反指可以直接表明不是「骑墙派」，何启明同意回应可以有许多其他选择，但「我直接答佢冇嘢好倾，唔系更加中point咩？我觉得系喎⋯⋯」 

万德豪又引述其发言指「我哋就系要达致35+，我哋就系要令立法会成为政府同保皇党嘅地狱」，问到说话何解。何启明指说法仅为形容，指「以往民主派系少数，我哋畀人熄咪、畀人赶出会议厅，啖35+我哋多数，咪我熄佢哋咪、赶返佢哋出去罗」，惟否认想瘫痪政府。李官追问是否有不良意图，何启明解释「以往民主派系少数，无论我哋提议几咁有建设性几咁有意义，都唔会得到重视，结果畀人熄咪、赶出会议厅，甚至有啲唔合法嘅程序都可以继续落去，所以对我哋来讲真系好愤怒」。李官问是否要将过往的不公还施彼身？何启明答上述仅为例子，「我谂系要建制派经历返民主派经历过嘅嘢，但唔一定变得不公义」。 

万德豪再引述其发言「而家揽炒系边个，揽炒系中共呀嘛，有国安法，股市先跌喎，之前无跌个喎。哗，有国安法，真系会有个中国特务走来抢你啲鱼、抢你啲菜，话系国家安全，佢做乜都得个喎，所以真正令到香港经济差，真正令到基层市民生活苦，嗰个系共产党，系呢个极权社会，系呢个极权政府」。万德豪问这不正是将不会否决财案主张公诸于世的黄金机会？何启明反指「呢个系个黄金机会去讲我唔同意揽炒⋯⋯我唔认同揽炒，我亦唔认同（论坛主持指）嗰份抗争声明（〈墨落无悔〉声明）系揽炒，因为我觉得揽炒嘅系中共，跟住我就解释返佢做咗啲咩，令到我哋既民生状况差」。

李官问假如真的二元对立，抗争和民生会如何取舍？何启明指如抗争民生对立的话，会视乎财案内容再与民协商讨决定，然而认为当时论坛主持刻意将两者对立，自己遂指「真正揽炒嘅系呢个中共」。李官问「一只手掌拍唔响」？何启明指「系中共揽炒导致到民生差，因为有国安法所以股市跌」，李官问何启明衷心相信？何启明答「当时我记得嗰个时段就系吹风出来有国安法，股市真系跌，跟住有国家队进场先升返」。

李官又问何启明衷心相信「中国特务抢你啲鱼、抢你啲菜」？何启明交代是「同一个街坊倾偈得出来嘅结论，系我个人经历」，惹来哄堂大笑，何启明续指「因为当时嘅说法系国安法凌驾一切香港法律，大家就会有一个恐惧，当恐惧去到极致嘅时候，就会谂咗呢啲嘢出来」，何启明补充「字面上我冇经历过啦，我系讲紧个街坊嘅忧虑」。

李官问上述发言如何显示民生优先的取态，何启明答「因为我相信没有民主就没有民生」，解释发言显示「我明白而家好多街坊其实佢哋个生活都好苦」，根源在于「呢个极权政府」，告知市民如欲改变现状就要抗争，重提〈墨落无悔〉声明中指争取双普选，「有民主就有民生喇」。万德豪追问双普选即民主？何启明同意，万德豪再问民主比民生重要？何启明否认，直言「有民主先至会有民生，因为要个政府要系人民选出嚟，佢先至会回应人民个诉求」。万德豪追问即要先争取民主？何启明解释「因为而家个处境无民主，所以要争取民主先。」万德豪再问即要牺牲民生？何启明否认。

万德豪指中共为中国执政政府，问何启明是否反对政权统治，何启明解释主问下提及「反暴政」即「不轻易顺从，要争取我哋重视嘅嘢」。李官随即指何启明曾多次提到「打倒共产党」，何启明解释只属愤慨之言，「情形就好似你真系愤慨嘅时候，你讲粗口都唔系真系嗰个意思」。

何启明续指「打倒共产党」实为对共产党的批评，因为「佢冇兑现返《基本法》嘅承诺，由831条例（决定）去到国安法，都系见到佢冇兑现返喺基本法入面畀香港人嘅嘢，所以出咗呢句批评，同埋我相信邓小平话共产党系骂不倒的，所以我讲呢句说话。」席上有人闻言发笑。李官提醒何启明正面对串谋罪行，而非实质罪行。

万德豪再引述发言指「请手足打倒共产党」。何启明解释选举论坛上要短时间内诉诸群众，「系会运用到选举语言」，同意说法夸张，其次「当时嘅社会系好多人讲『打倒共产党』讲咗几十年，加上当时国安法未正式实施，我又记得邓小平讲过嘅说话，所以我用呢个字。第三呢，我用打倒呢唔系真系打倒，系真系一个批评嘅意思」。何启明否认反对共产党，指自己口不对心「因为呢度系选举论坛」，李官问那就可以发表任何言论？何启明重申为诉诸群众。万德豪问《香港国安法》实施后有否公开推翻说法？何启明指「我谂住过咗去就算就冇解释喇」，万德豪问有何困难？何启明指「因为我记得好似话7月1号之前嘅就唔会追究。」

法庭记者：陈子豪

---                              

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ