星8卦丨「咸湿」复出周围利用人帮自己翻身

2023-06-22 10:00

「咸湿」有名你叫，成世人以媾女为乐，尤其系红咗咁多年，随手就有好多女埋身，免费任佢食。如果唔系之前条女「巴闭」够狠，后台好硬净，佢都系继续有女食到够，俾「巴闭」公开晒啲丑行，佢都一身蚁，因为要搵大钱一定要三观正确，「咸湿」几乎要卖当借都搞唔掂，好彩之前搵落一笔够佢顶一段日子。

不过「咸湿」好识利用人，近日就搵「迷弟」过桥。自细「迷弟」已经当「咸湿」系偶像，但系一直名气唔够，「咸湿」知佢锺意自己，一直都唔当系嘢。点知「迷弟」星途一直畅旺，「咸湿」至开始覆下人口讯，咁啱「迷弟」要开SHOW，天真地想搵「咸湿」做第一场嘉宾，佢一路爱理不理，唔推但话要度期。

原来系「咸湿」想等自己年尾嘅个唱档期系咪落实，谂住借香港嚟翻身，到真系攞到个期，佢就即刻应承「迷弟」做嘉宾，希望借佢嘅人气，等啲迷丝爱屋及乌，我系你偶像嘅偶像，点都俾番三分面。其实「咸湿」系谂住用到「迷弟」尽，连去热带区唱都叫「迷弟」随行做嘉宾，用到人哋尽。「咸湿」好色就人尽皆知，现实势利亦无因为衰咗咁耐改变下，简直系人渣中之极渣！