57岁詹瑞文丧偶后首现身 提亡妻Amenda哽咽：点解咁短，可唔可以长啲？
2023-06-13 18:00 
57岁詹瑞文（现名詹昊宸）的现任太太Amanda在今年4月惊传离世，不过詹瑞文一直未有回应。今日他在自家YouTuber Channel开live，他坦承Amanda于去年年底确诊癌症，最后4个月体验到宝贵的事，人生要有希望同爱。他还称：「佢喺我生命嘅影响，比我预期仲大，呢个系我嘅幸运，可以畀我接触到呢个咁美丽嘅灵魂，系上天赐畀我。」
【相关阅读】：詹瑞文传丧偶丨现任Amenda传介入「踢走」甄咏蓓 结束20年婚姻女儿随母生活
【点击睇詹瑞文与Amanda】：
今次是詹瑞文传出丧偶后首度现身，一身素色打扮的詹瑞文，与蒋怡齐齐分享这些日子的感受，他说：「好多人好关心我嘅婚姻状况，离婚对我嚟讲，系一个人生嘅转变，呢个转变对我嚟讲，系要面对佢，系我嘅人生转变必要经历阶段。如果我唔去面对呢个人生经历，我就逃避咗嗰一件事，而我当时我觉得我嘅人生系要去另一个阶段，暂时停咗同前妻嘅关系。」
其后詹瑞文与Amanda发展另一段关系，面对外间的负评，詹瑞文称没有办法逐一解释，反而很珍惜自己人生的选择：「喺过去嘅10几年里面，系我人生好精采嘅一部份，好丰富。Amanda系我过去呢10年生活得最密切嘅人，佢喺我生命嘅影响，比我预期仲大，呢个系我嘅幸运，可以畀我接触到呢个咁美丽嘅灵魂，系上天赐畀我。」他又说：「Amanda好低调嘅人，面对负面嘅批评，有啲朋友都叫我哋不如讲下，但系佢佢只系话『唔紧要，我清楚知道自己做紧啲乜嘢』，呢样令我好敬佩，反而有时我会戥佢唔抵，好想表达，不过都尊重佢。」
詹瑞文透露去年年底Amanda证实患上癌症：「嗰阵系好shock，完全冇谂过会发生呢啲事，喺最后嗰4个月，我哋都体验到人生好重要嘅一样嘢，就系希望同爱。」他又说：「好多人好关心一个对我咁重要嘅人，走咗会点？会唔会好颓废，但系我觉得自己好识照顾自己，但系都知道我嘅悲伤，系处理唔到件事，喺呢四个月入面，系学习到用爱，要爱我自己，爱我哋嘅朋友同亲人，基本上用感恩去将哀伤缓解，好感恩我嘅人生可以遇到佢，同埋喺一齐生活嗰10年，每一天都咁浓烈。」詹瑞文更忍不住哭：「有一瞬间都觉得点解咁短，可唔可以长啲呢？我哋仲有好多嘢想做，不过个念一转，我唔系要捉啲嘢唔放，系要珍惜拥有嘅嘢。」
【其他文章】：
欧阳震华晒TVB小生世纪饭局大合照！ 两个艺训班同学年过60唔识老
58岁郭晋安亲民作风意外反击「医美过度」 零滤镜相片真实样令人惊讶
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应