陈卓贤因病30岁生日瞓住过 自嘲年纪大身体差持久力弱咗

刚30岁生日的陈卓贤（Ian）今日到尖沙咀出席品牌新店开幕，过百名「Hellosss」（粉丝昵称）带同横额到场支持。Ian早前在社交网自爆病倒，不过今日现身状态不错，Ian透露因上呼吸感染而患上咽喉炎，今日已好了很多，更笑言昨天跟自己说话时完全认不出自己把声，医生亦叮嘱他要多休息，所以近几天也在睡觉，而本月9日生日的Ian因病什么也没做：「生日瞓喺张牀，活动都出席唔到，只狗最开心，因为我病嘅时候可以陪住佢。」

Ian透露因上呼吸感染而患上咽喉炎，连自己把声都认唔到。

医生叮嘱他要多休息，所以生日都系瞓喺床。

他笑言，只狗最开心，「因为我病嘅时候可以陪住佢。」

他直认近半年病多咗，可能年纪大、身体状况不如从前。

Ian表示会补祝生日，加上妈妈生日及父亲节，会一齐搞。

过百名「Hellosss」（粉丝昵称）带同横额到场支持。

问最近经常生病的Ian会否叫公司减少工作量？他直认近半年真的病多了，可能年纪大、身体状况不如从前，并指有机会是拍《冰上火花》时经常忽冷忽热而积累下来：「我有信心之后唔病，由细到大都好少病，因为我以前系运动员，今次都几严重，仲发烧。（烧到几度？）唔知，因为我屋企冇关于数字嘅嘢，例如磅、温度计，睇时间都系睇电话，今次真系还咗个好大嘅健康债。」

Ian表示会补祝生日，加上妈妈生日及父亲节，所以会一起庆祝，虽然已准备好礼物给父母，但因妈妈会追他的新闻，故不方便透露：「节日上仪式感都好重要，讲咗就冇惊喜。（折现？）成日都会，折现之外再加多份礼物，不过做仔都系偏心妈咪，我经常送礼物畀佢，所以好难谂，爸爸就少买（礼物），所以容易啲。（送个女友畀妈咪？）佢冇要求，等佢出声再谂，不过相信佢都想我目前以工作为重，亦经常提醒我休息同饮食，相信妈咪最担心就系我嘅身体。」

他指做仔都系偏心妈咪，经常送礼物畀佢。

他又称自己写歌的持久力差咗。

另外，Ian今年两首派台作品《再见宁静海》及《抱抱无尾熊》均成为叱咤冠军歌，Ian直言觉得开心，亦多谢大家喜欢，而他透露生病时也有写歌：「唔同嘅系以往会边弹边唱，今次只能弹，仲发现自己持久力差咗。」问到Ian哪方面持久力，他随即大笑，并尴尬说：「写歌！以前可以弹几个钟唔停，而家就10几20分钟就要休息。」

《星岛头条》新网站有更多精彩内容：http://www.stheadline.com/