独家丨马志威冧赞偶像邓丽欣靓得有韵味 《12日》本是不雅照片后栢芝复出作
2023-05-05 08:00 
导演林爱华相隔23年再有电影《十二夜》姊妹作《12日》推出，电影本为张栢芝度身订造，但最终合作不成，好彩找到更合适的邓丽欣（Stephy）演出，而首次跟偶像Stephy合作的马志威好识做人，赞女神愈来愈靓兼有成熟韵味。采访：杜杜 发型:Alex So@The Attic化妆:Jenny Tziong
林导早在2010年已为张栢芝度身订造《12日》，亦即不雅事件后两年，「嗰时栢芝想复出，就同小宝（尔冬升）签咗3部戏，其中一部就搵咗我，嗰时佢都未离婚仲喺同谢霆锋一齐，我就提议不如整个婚姻篇，佢都话好，但后尾唔知咩原因佢哋合作泡汤。」本来林导已放弃计划，怎料因《十二夜》推出20周年重映，当时她被追问有否续集计划，「我话有，不过冇投资者，结果伍总（伍健雄）听到就话做投资者。」
贪马志威内地多人识
《十二夜》以拍拖为主，《12日》则讲婚姻，男女主角亦变成马志威和Stephy。林导认为Stephy是不二选择，「要做10年喎！要后生得，成熟又得，Stephy本身个年龄层啱，佢10年嚟好似一样样咁，保鲜期好犀利，冇咗啲baby fat仲靓咗，同埋演技都成熟咗。」而37岁马志威就胜在未拍过Stephy有新鲜感，加上有内地巿场，「佢之前有个剧类似咁嘅角色（内地剧《三十而已》），风流倜傥嘅女人杀手，大陆比较熟识佢都唔错。」
被林导踢爆是Stephy 粉丝的马志威，讲到同偶像合作超紧张，但同时亦好兴奋，「细细个都喜欢Stephy，细个就觉得佢好青春好靓，好女神！但合作后觉得佢比以前更加靓，佢𠵱家有种成熟嘅韵味，同埋佢系好专业嘅演员，都会畀意见我，叫我放松又好引导到我投入场戏，所以真系好多谢Stephy。」问到会否像Stephy一样，演完电影对婚姻有新领悟呢？刚宣布跟拍拖多年的圈外女友Moireen分手的马志威就直言，「暂时我对婚姻都冇乜睇法，哈哈！两个人一齐开心就OK，系咪一定要签字？名份冇乜所谓。」
《星岛头条》新网站有更多精彩内容：http://www.stheadline.com/
最新回应