独家|胡慧冲听歌学做人唔好嚣 睇许冠杰演唱会获偶像点名人生无憾

「泰国通」胡慧冲（Roger）日前返港4天，除咗出席「香港泼水节」外，仲睇咗偶像许冠杰头场演唱会，Roger开心到不得了：「当晚我同夏妙然喺观众席，可以同阿Sam『哎吔』对唱《阿郎恋曲》，阿Sam仲公开话『泰国通阿胡都系度！』连「歌神」都认我，呢个系天大荣幸，人生何求呀？」采访：方骞平

《浪子心声》歌词「命里有时终须有，命里无时莫强求」系Roger座右铭。

胡慧冲同夏妙然系阿Sam铁粉。

买咗两件毛巾撑歌神。

会带住大毛巾周围去。

歌词好有节理。

节目《冲游泰国》系列令胡慧冲知名度大增，最近返港参加泰旅局主办嘅《香港泼水节》，虽然有备而战带齐大毛巾及内衣，但现场太受欢迎，尤其小朋友追住狂射水枪，由外至内，衣服鞋袜全部湿晒，冻到入心，不过，Roger仍然企足两小时跟fans合照：「佢哋搵唔到姜涛，搵到个胡涂都好！我好珍惜佢哋支持。」

泼水节当天小朋友追住Roger狂射水枪。

Roger企足两小时同fans影合照。

Roger大受欢迎。

有好多小粉丝。

由外至内都湿透。

歌神每次开骚都捧场

讲到睇许冠杰头场演唱会坐第2行时，Roger依然兴奋：「当晚换上珍藏嘅《最佳拍档女王密令》战衣，佢认得我同我有交流，有幸可以喺佢面前唱咗几句《阿郎恋曲》。其实佢每次开演唱会我都会飞返嚟睇，当年佢经已认得我系写旅游书嗰个。今次因为疫情未能入后台探班，但我喺场外买咗两条毛巾，写住《浪子心声》歌词『命里有时终须有，命里无时莫强求』，呢两句亦系我座右铭，歌词好到肉，《冲游泰国》插曲《冲哥》嘅歌词『命里有的终须会得到，运气有升跌实在无用困恼』都系受启发去填写。」

同阿Sam陈年红馆后台合照，Roger笑得好开心。

喺观众席同夏妙然争咪对唱《阿郎恋曲》。

Roger换上珍藏嘅《最佳拍档女王密令》战衣隆重地捧场。

Roger指阿Sam啲歌好有人生节理：「佢好多歌听到我又笑又喊，比如《天才白痴梦》中『人皆寻梦，梦不分西东，片刻春风得意，未知景物朦胧…』咀嚼歌词咪以为自己好劲，其实好多嘢系镜花水月，做人不能嚣，要抱住谦卑嘅心。」

阿Sam啲歌能悟出人生节理。

冬荫妹身材好正。

Roger同冬荫妹嘅《冲游泰国》系列，好受欢迎。

冬荫家族稍后来港出席泰国旅游节。

《星岛头条》APP经已推出最新版本，请立即更新，浏览更精彩内容：http://www.stheadline.com/