最嬲男友讲「冇所谓啦」港女发火狂闹网民回应建议出绝招......｜Juicy叮

2023-03-27 07:01

男朋友挂在口边的「冇所谓啦，你话事得啦」，原来会触怒女朋友。有港女早前以「真系好怕啲人口讲冇所谓，其实最有所谓就系佢」为题发文，力数男友不是。有见及此，网友也破了「宁教人打仔，莫教人分妻」原则，建议分手处理。

楼主呻「男朋友经常话冇所谓啦你话事得啦，其实根本佢就唔系冇所谓只系佢唔想谂」，并举例指「要就佢放假时间拣5月尾去旅行，连拣机票都话冇所谓你话事。想悭啲拣廉航又嫌话冇饭食冇电视睇唔包行李咩都要加钱，拣非廉航又话太贵，不过你锺意啦」。

楼主原文及网民回应：

男朋友挂在口边的「冇所谓啦，你话事得啦」，原来会触怒女朋友。

有港女早前以「真系好怕啲人口讲冇所谓，其实最有所谓就系佢」为题发文，力数男友不是。

网友也破了「宁教人打仔，莫教人分妻」原则，建议分手处理。

楼主原文。网上截图

网民问楼主「系咪你追佢㗎？就得佢咁紧要嘅」。网上截图

网友建议「叫佢一齐plan啦！」。网上截图

楼主续称「真系我锺意嘅话我一早拣咗廉航啦，畀佢拖多两拖连廉航个价钱都唔廉」。接著表示「几经辛苦confirm佢请咗假买完机票，开始plan行程book酒店又嚟冇所谓你锺意。谂完住边区酒店又话住咁多日同一个地方好闷，佢话想去温泉酒店，我叫佢搵间佢锺意佢又话唔系你决定咩」。

楼主没好气地称「基本上同佢讲咩佢每句开场白都系冇所谓，但系问佢咁样好唔好之后佢又有好多意见。其实你唔系真系冇所谓就唔好同我讲你冇所谓啦。连平时食咩都话冇所谓，心入面个句你真系冇所谓不如你食屎啦」。

回应的网友大多站于楼主这边，指「咁口不对心好难相处」、「哩啲男人无主见，系咁」、「冇主见男人，一有大获嘢一定闪！」、「讲真，我系男人都好x憎呢d人，难听d讲句正一屎忽鬼」、「出咗事，唔使俾你闹，佢醒目呀」。

另有网民问「系咪你追佢㗎？就得佢咁紧要嘅」、「明显楼主紧条仔好多罗」。由于网友大多怒气冲冲，纷纷建议作分手处理：

•「分手啦！」、
•「飞起佢」、
•「呢种人好无瘾，拍拖咁样无意思」、
•「好明显当你工人啦！忍到就忍，忍唔到就分手罗！」、
•「飞咗佢，根本唔夹，将来人生所有重要决定，佢都系无所谓，痛苦只有你一个」、「好明显当你工人啦！忍到就忍，忍唔到就分手罗！」。

有冷静的网民则提醒「佢可能想就你」、「口头禅嚟啫，唔好咁认真」，建议「开心见诚沟通吓，唔得再想办法。唔好害人害已」，和「叫佢一齐plan啦！我都好怕哩d人，一系plan前问下佢有冇咩特别想去，同埋budget几多」。

有人表明「认真回答」，指「很多人回答『无所谓』、『唔紧要啦』，唔一定要分啱或错，其实是一种保护机制，无论事情以后变得有几差，他好快就会解释，早都话无所谓唔紧要㗎啦！来自我安慰一番。这类人无论对其他人和自己都不愿意付责任，只要一出事就推得一乾二净，而且心安理得，不会有内疚感」。最后有佛系网友出场，指「有机票酒店后，行程是旦都得」。

帖文来源：香港讨论区