野蛮婆婆大闹将军澳 丧骂路人2分钟 霸气挞朵：你知我咩嘢人嚟呀？｜Juicy叮
2023-03-24 12:34 
网络热传一段野蛮婆婆大闹将军澳的影片，婆婆怀疑排队时发生争执，激动丧骂路人长达2分钟，期间大放霸气厥辞：「我最憎呢到啲人，一啲文化都无！」更嚣张挞朵：「唔好立乱得罪人，你知我咩嘢人嚟呀？」令人侧目。
事发在本周三(22日)上午7时左右，地点在将军澳宝琳。
直击野蛮婆婆大闹将军澳 丧骂路人霸气挞朵（足本字幕版）↓↓↓↓
（影片全长约2分钟）
（事发时间在本周三（3月22日）早上7时左右）
（影片开头看到一名紫衫婆婆指手划脚大声狂骂）
（紫衫婆婆疑似因为排队争执，与另一名婆婆发生冲突，不断指骂她）
（拍摄者镜头不时向下，影向地面，似为偷录时为避免被人发觉所致）
你好开心呀？
信唔信我报警拉你呀啦。
（被骂路人回应：好呀，好呀，报警拉你呀啦。）
咁阴毒嘅你！
（被骂路人回应：系呀，系呀，好阴毒。）
人哋死你好开心呀，你哋食屎啦！
你叫心地好呀，吓！
几廿岁返屋企积吓福啦，好唔好呀。
咪咁多事呀，真系㗎。
你又唔知我咩嘢人，我做善事多过你啦，啱唔啱呀。
唔好咁X多事呀，依家呢个时势唔系几好，系真嘅，
唔好立乱得罪人，你唔知我咩嘢人嚟呀？
我做善事多过你食饭啦。
你有无可邻啲乞衣呀？
你估你自己系咩呀？
你自己都系大陆(内地)嚟㗎啫，见你前面憎你后面呀。
赶你走呀，见你几廿岁。
你咁样嘅你，最憎你呢个阿婆呀。
你咁样做人嘅你，唔怕折堕呀？
你个死人样呀，咁样害人。
我最憎呢到啲人㗎啦，一啲文化都无！
我赶时间，唔会无端端闹你㗎吓！
系到哎呀哎呀喎，X你X母（粗口），咁X样你呀。
系呀，我条气唔顺，我阿妈已经死X咗几年，就憎啲大陆(内地)人。
我老豆就搵个大陆(内地)女人，一年佢阿爸阿妈都死埋......嗰阵时供一千蚊......畀个死人大陆(内地)X......
（影片未有交代事件结局）
网民纷纷批评骂人婆婆横蛮无礼，「失礼嘅系自己！」「依家咁样闹边个先无文化？」「生活压力好大。」
同场加映：巴士阿叔闹喊少女阻落车 坐隔离赖死唔郁 网民指一句话露色心
本港社交平台热传一段阿叔大闹城巴的影片，有大叔坐正少女隔离，少女欲下车竟坚拒不「放行」，引来司机干预，但大叔竟发狂闹喊少女，网民点出大叔骂语中有一句话已显露其色心。
直击巴士阿叔大闹城巴 一句说话露色心？（足本字幕版）↓↓↓↓
本港社交平台热传一段阿叔大闹城巴的影片，有大叔坐正少女隔离，少女欲下车竟坚拒不「放行」，引来司机干预，但大叔竟发狂闹喊少女，网民点出大叔骂语中有一句话已显露其色心。
（事件发生在天水围，时间在本周三（15日）晚上。）
（涉事巴士为城巴967X，来往天水围（天恩邨）及铜锣湾。）
（有乘客拍摄到事发情况，片长约45秒。）
（事发在巴士上层。）
（有网民表示，当日司机接获其他乘客求助，到上层协助。）
（影片看到现场有不少「吉位」，但有网民怀疑其他乘客因事件发生已经「落晒车」。）
（影片中鸭舌帽大叔坐在一名长发少女隔离，巴士司机则站在两人前面）
巴士司机：大家都系公民嚟啫，就一就啦。
大叔：咁你咪自己行罗。
大叔：有咩咁大件事呀。
巴士司机：咁人哋系女仔，让吓女仔呀。
大叔：女仔惊乜嘢呀？
巴士司机：让吓女仔啦，让吓女仔啦。
大叔：唔系呀，女仔惊乜嘢啫，依家佢。
巴士司机：唔系，让吓女仔。
大叔：惊我非礼佢？
巴士司机：唔系，唔系，即系唔系呢个意思，大家就一就啫。
巴士司机：佢又惊大家撞到你。
大叔：唔紧要呀，咪撞罗。
大叔：唔紧要呀，我都唔怕畀佢撞，你咁惊仲乜啫。
巴士司机：咁咪大家就一就罗。
大叔：点解要就呀？
大叔：就咗畀佢啦，咁样仲唔够呀？（大叔这时身体略向左侧一侧身）
大叔：点解要企起身畀佢呀？佢大啲？
巴士司机：唔系呢个问题呀。
大叔：哦，即系皇帝嚟嘅？
巴士司机：唔系，唔系皇帝。
大叔：武则天女皇？
巴士司机：唔关事，唔关事，大家就一就。
大叔：真系神经病。
大叔：已经就晒佢啦，已经咁啦。
大叔：仲唔够过呀，你咪事呀？
巴士司机：唔好意思，真系，哎呀，佢又喊啦......（影片至结束）
网民批评该位大叔拒绝起身，让少女离开。
有网民指出，当时大叔背后有吉位，其实可以转到吉位坐，让少女行过，「后面已经系吉位，佢起都起唔到身，咁应该落唔到车。」
有网民表示认得大叔，「呢条友经常以呢个方法搏蒙㗎。」
有网民建议司机可以报警，因为有关大叔疑正在骚扰其他乘客。
网民：「条片睇到好多空位，点解咁多位，系要咁坐埋去，乜嘢居心？」
网民：「后面已经系吉位，点解佢唔起身？」「应该叫个女仔照出嚟，睇吓阿叔系咪非礼？」
有网民指出，大叔的骂语中「我都唔介意比佢撞」一句，已经透露其动机疑似「搏蒙」动机：「自己都讲咗出口其实想点啦。」
详情浏览：巴士阿叔闹喊少女阻落车 坐隔离赖死唔郁 网民指一句话露色心
-----
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd
你的独家报料一旦被采用及报导，将获得乙份奖品。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
關鍵字
最新回应