子华赞阿Dee@ERROR演得好 新工作震憾性仅次复出做栋笃笑
2023-01-11 16:15 
黄子华主演的贺岁片《毒舌大状》将于年三十(21日)上映，昨日他与导演吴炜伦到商台接受郑裕玲（Do姐）的节目《口水多过浪花》访问。被封「票房毒药」的子华，坦言过去一年是大丰收的一年，除演出舞台剧《最后礼物》及电影《饭戏攻心》皆获得亮丽成绩，还有今年上映的贺岁片，共推出三个作品，子华表示很感恩遇到好的角色：「三个都系正剧人物，三个角色都写得好好，如果写得唔好睇，我都冇乜兴趣做，其实我几锺意做喜剧㗎！依家我有啲惊，我惊啲运气行完咗。」
向来搞笑的Do姐就直指子华以前的运程衰到贴地，并笑言全靠她才变好，Do姐谓：「啲钱呢......你自己拍嗰啲乜乜保镖，以前嗰啲衰到不得之了，依家都冇理由要你个人咁衰㗎，所以自从你喺《男亲女爱》遇到我之后，一路一路咁好上去。」子华即鬼马表示：「系呀，我喺屋企直情有香炉畀你㗎！」
至于，在电影《毒舌大状》中，子华与不少新演员合作，他笑谓像是受到供奉一样，并大赞他们很努力工作：「我系神嚟㗎嘛，佢哋好敬仰我，每人预定3支香畀我，我嘅感觉咪好似食香咁罗！」Do姐问他是否受落？子华表示：「我觉得最主要系大家有个好嘅工作关系，喺唔越权嘅时候，我有提点佢哋演戏嘅窍门、态度，其实个个都好积极，好热血。」子华更点名赞ERROR成员阿Dee (何启华）说：「我觉得佢演得好好，其实佢哋对自己都好有要求。」
最后被问到未来的工作计划，子华大卖关子：「系非常震撼，但系秘密，你信我，大家期待！」转数极快的Do姐当然不收货，并继续追问：「电影？电视？舞台？返番去做栋笃笑？你哋上嚟唔放低少少，你咪旨意走！」子华再透露：「佢嘅震撼性仅次于我复出做栋笃笑！」
《星岛头条》APP经已推出最新版本，请立即更新，浏览更精彩内容：http://www.stheadline.com/
最新回应