独家丨廖子妤演烟民入型入格全靠子华Sir 王丹妮做监犯为入戏指甲困晒黑边

廖子妤（Fish）、王丹妮（Louise）和栢天男（Adam）在贺岁片《毒舌大状》中合作，三人表示角色好有难度，对观众来讲绝对有惊喜。而Louise为演好监犯角色，更专登搞残自己。讲到跟黄子华合作，三人都兴奋狂赞偶像好照顾后辈，亦开行Turbo带对手入戏，Fish更称吸烟戏演得入型入格全靠子华主动帮她上了一堂「如何做烟民鸡精班」。采访：杜杜 摄影：Stanley 发型、化妆及服装:[email protected]. Salon、Melody Chiu(Louise)、zap tang@Toni&Guy、King Yip@ King’s Makeup、CELINE(Fish)、Kenki@W workshop、Rainbow@Annie G. Chan Makeup Centre、Theory(Adam) 场地:Madame Fu

Fish、Adam和Louise都认同今次电影虽然有沉重戏份，但拍摄过程极度愉快，除了得到几位前辈照顾，同辈演员会不时食饭吹水。

三人提到偶像黄子华，都有不同程度的粉丝自白。

电影中，三人关系错综复杂，既是情人亦是敌人。

戏中Fish首次挑战富二代角色「锺念华」，由于价值观、背景到装扮都跟她本人截然不同，所以有一定难度，「我演过好多唔同嘅角色，但呢个真系最头痕，睇剧本时都问『真系搵我做』，导演同江老板畀我去试一个同我差距咁大嘅角色，真系劲感恩！」所以她花了很多心机同时间做功课，就连行路都要重新学习，「好彩好早收到完整剧本，有个几两个月时间准备，如学着高踭鞋，虽然做过好多年model，但系平面硬照嘅model，我唔识着高踭鞋，仲要学埋仪态。」

Fish觉得演绎角色，跟自己愈大不同愈好玩。

Fish原来亦有向行天桥经验丰富的Louise请教，行得优雅的窍门。

王丹妮专登搞残演监犯
Louise饰演的监犯「曾洁儿」，虽然跟她同样是屋邨出身的模特儿，兼且有个囡囡，但往后的经历她就完全没体会过，加上角色太过压抑及沉重，她除了跟导演吴炜伦研究外，更搵来资深舞台剧演员兼导师邵美君教戏。而她为求迫真，不单素颜上阵，更专登搞残自己，「再化多啲黑眼圈，令皮肤质感、毛孔再粗啲，啲头发倒梳兼洒多啲盐粉令佢打晒结，就连手指脚指甲都困晒黑边，因为角色当下情绪，面对咁多嘢唔会再想理乾净，系好放弃自己嘅感觉，而外在呢啲嘢令我更加投入角色情绪。」

第二次拍电影，Louise再次尝试难度高角色。

Louise为角色好大牺牲，素颜都嫌唔够，更专登搞残自己。

Louise跟老公罗孝勇第一次拍同一套戏，可惜没有对手戏份。

Adam在戏中演Fish的医生老公「锺京颐」，不过这个只是他的表面身份，到埋位时才知道真相，「我唔知个角色系做嗰样嘢，我睇剧本同埋试戏嗰阵，以为角色系做另外一样嘢，直到我去围读先知原来个故仔系咁㗎？！所以我系好surprise自己个角色，对角色系有另眼相看嘅。」不过他就大卖关子，唔肯透露角色令他惊喜的原因。

角色跟预期相差好远，Adam觉得好有惊喜。

Adam戏中演Fish的医生丈夫，在社会有钱又有地位。

栢天男认子华面前好赤裸
三人均觉得角色有突破，加上有机会跟黄子华合作，开心之馀更赞偶像赞到停唔到口。先由Adam开始，「同子华神对戏时，佢畀到个无形压力我，因为佢要由头望到我落脚，好似睇通晒我，喺佢面前好似赤裸裸咁样，系个角色唔系我赤裸裸，哈！佢会完全带到个情感畀我，因为我角色对白唔多，仲难演，所以『锺京颐』系最challenging，演过最难嘅角色。」

Adam角色难度高，好彩有导演及子华帮手。

Louise接力再赞，「有场子华神要向我低头，对于王丹妮嚟讲直情觉得超现实，究竟发生紧咩事？！但系角色嗰刻见到佢咁样系暗爽嘅，佢系应该要咁样，不过呢个系角色心态，所以一cut机，我系劲怯，系个好特别嘅过程。好多谢子华对后辈好照顾，好多场口佢都愿意交足戏，就算唔系影住佢，佢都畀足对白，演戏讲give and take，佢畀我好丰富嘅情感，我系咁吸，对我演戏系有好大帮助。」

戏中子华向Louise跪低，其实她当时劲胆怯。

Fish作为子华忠粉，兼继《饭戏攻心》后第二度合作，首先她要跟子华抹清「母子」关系，「今套戏大家势成水火，佢同Louise同我都系对立，所以要当系上一世嘅嘢，粉笔字抹咗佢。」而她赞子华更有「连续性」，因对方一帮就帮晒她演两套戏，「讲啲有趣嘢，佢教我食烟罗！真系好多谢佢，戏入面我系有食烟场口，《饭戏攻心》都系有食烟，嗰时拍到一半，佢突然间同我讲『阿Fish呀』，突然跳咗出嚟，佢本嚟系叫紧我阿妈㗎嘛！佢话『你唔识食烟』，哎吔！何其耻辱呀！个对手话我唔识，跟住我就话『愿闻其详』，于是佢就叫我跟佢去后楼梯，教我食烟，嗰次真系感受到食烟嘅头晕！嗰次之后好似开咗一个食烟嘅窍，咁啱呢部戏又用得着。」

Fish虽然已跟子华连续合作了两次，不过依然话未够喉喎！

获偶像亲自教食烟的Fish，果然学得特别快。

新网站 www.stheadline.com 已推出