王嘉尔自嘲唔够新鲜「男宠」地位有动摇 向郑裕玲派飞吻：我对你嘅爱系唔会变

韩国男团GOT7香港成员王嘉尔（Jackson）近日于新加坡及泰国等地举行世界巡回演唱会，期间接受TVB娱乐新闻台《StarTalk》的访问。郑裕玲（Do姐）一向都是韩星的忠实FANS，Jackson更加是她的头号「男宠」，她的IG只有follow王嘉尔和姜涛二人！主持阿盈安排了一份小礼物给王嘉尔，当然与Do姐有关！

【点击睇王嘉尔收到乜嘢小礼物】：

Do姐喺段片话：「我唔会问你好吗，我一直都有FOLLOW住你，知道你好好，而家你嘅tour去咗泰国、马来西亚，而家喺新加坡，very very pound of you，做得非常之好，虽然我知道你系好勤力工作，但系都要小心身体，喺2023年希望你乜嘢都系做得非常之好，开开心心，但系要身体健康。」

之后仲话：「我自己嘅愿望系希望可以再次见到你嘅真人，同你倾偈，希望你可以好似我嘅真人一样，一样咁挂住你！」

Jackson睇得好入神喎！

心都甜晒！

好窝心喎！

王嘉尔都有拍片送返畀Do姐。

佢话：「Do姐，thank you你俾我嘅supporting同支持我嘅视频，我睇咗喇，我知你最近好忙，你暗恋紧人哋，同时又太嚟唔到睇我嘅演唱会，ok既，我明。」

送晒飞吻畀Do姐！

不过知道Do姐有唔少「男宠」，搞到佢有少少呷醋话：「现实就系我呢啲咁嘅年纪唔够新鲜，我有自知之名，但我对你嘅爱系唔会变，I love you Do姐。」

冧晒！

王嘉尔话自己冇信心拍爱情片，平时冇睇，只系睇过一套《十分爱》 ，佢仲忍唔住话：「I really love Stephy!」

问到有冇谂过同 Stephy合作，王嘉尔话：「唔好搞喇，我试过同fd讲起呢套戏，跟住search佢嘅IG，竟然畀我发现佢系有follow我，我激动咗好耐，究竟系咪假架？我梗系即刻follow佢，跟住试过喺IG dm过Stephy，话我系佢嘅super fans，点知佢只覆『HAHA』！」

无奈嘅Jackson即话：「都算覆啦！你仲想点呀！」不过嗰刻嘅心情好激动！

王嘉尔话自己作为公众人物，有时会因为一啲情况而得失部份fans甚至失去咗佢哋，但系Jackson话唔系得唔得失嘅问题，而系原则嘅问题，有时分享自己观点嘅嘢，就系自己所信嘅事，加上自己系一个表演者，责任系令大家欢乐，所以佢觉得自己冇咩资格去判断任何事物，佢只系纯粹分享个人观点。

试过亮相Do姐嘅节目。

成日喺IG晒靓相！

嗰阵个个都话Do姐偏心！

头号「男宠」！

好合拍！

其实Do姐都有少女心！

Jackson又搞笑咁话而家拍拖会随缘先，可以到佢35岁或者40岁嘅时候佢真系搵唔到另一半，就会喺IG出post叫大家帮帮手。

睇吓Do姐笑得几开心！

Do姐事后都有出po！

【其他文章】：

57岁陈慧娴晒惊人素颜照脸尖眼大五官轮廓零走样    网民惊叹：怎可能！

波波黄婧灵解放上围除夕性感骚丰满身材 网民抵死留言：2D 照片拍出3D效果

61岁利智激罕露近况 李连杰一家四口游尼泊尔 二女Jada帮手「泄蜜」

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ