Juicy叮｜学生大呻学校旅行去「冇火龙果嘅火龙果园」 再批场地似废墟惹议

学校旅行可以令学生留下美好回忆。不过，有学生则在网上发文指，学校旅行未能前往主题乐园等地点，只可以到「冇火龙果嘅火龙果园」，又批评场地似废墟，相关言论随即引起热议。

该名学生日前向Instagram专页「名校Secrets」投稿，指学校旅行的目的地为火龙果园，但指自己对农田没有兴趣，而且不满「其他学校都可以去主题乐园，得我哋去呢啲地方」。在众人登上旅游巴后，导游表示由于现时并非火龙果的季节，因此在到埗后看不到火龙果。楼主直言，闻言后感到「满头问号」，并心想「冇火龙果叫乜火龙果园」。

学生不满学校旅行的目的地是「冇火龙果嘅火龙果园」。资料图片

楼主续指，在到达目的地后的第一个活动是整茶果，但批评「场地非常污糟，好似个废墟咁，而且啲茶果材料好污糟，整完之后都冇人想食」，又随后跟随导游参观其他植物，但现场「劲多昆虫同粪便，当时真系劲想快啲走！」楼主又提到，由于通告上列出会一共会参观两个地点，因此原本以为可到其他地方拍照，但指「点知最后学校懒得去，直接叫我哋喺嗰个废墟嗰度等成一至两个钟」。

楼主指，众人在场整茶果及参观其他植物。《野人老师》剧照

楼主又大呻「嗰度又收唔到Wi-Fi，又冇嘢玩，净系喺度呆等，简直系浪费时间罗！」楼主续指，「真系唔知学校系穷，唔畀我哋去主题乐园定系点」，并直言「人哋个个去学校旅行都有好多好好嘅回忆，我哋就系啲差嘅回忆，完全唔知我哋学校发生咩事」。

相关帖文随即引起热议，有人表示，「已经好好㗎喇，我今年last year 陆运会同毕业旅行都冇」、「超级惨」、「以前都话去保良局渡假村旅行，依家啲学校旅行越搞越不伦不类」、「唔洗上堂已经好好」。有人则笑言，「咁似长者一日游嘅，请问楼主读边间老人院」、「你哋以为火龙果园啫实质系火龙果完」等。

另有人则支持校方的安排，并指「支持一吓本地农业啦。你大个仲会约人去主题公园，但唔会无啦啦去呢啲地方」、「几好丫，亲近下大自然，又无Wi-Fi大家可有多啲倾偈互动」、「去迪士尼几时去都得，呢啲机会唔系成日有」、「上网成瘾啦你。农地系农夫嘅生财工具畀你话系废墟，好好体验吓啦。去主题乐园都无咩好回忆，你第时都会去百几次，中学去过都好快忘记」、「你成世人几何会去接触到整茶果，又嫌污糟，又话冇Wi-Fi，你去打机定旅行」、「学校送你哋去农场就系唔想你哋用电话，要你用心感受一下农场一日嘅生活。虽然火龙果园冇火龙果又真系有啲好笑，但起码依家你有个难忘嘅回忆。到时一班同学再相聚食饭嘅时候，提起呢件事嘅时候，我肯定你哋都只会笑下就算架啦」等。

帖文来源：「名校Secrets」

 

《星岛头条》APP经已推出最新版本，请立即更新，浏览更精彩内容：https://bit.ly/3y