世界杯2022｜专栏：十字军团实而不华
2022-11-24 13:30 
今届世界杯少咗传统欧洲劲旅意大利，提到意大利嘅话，相信大家印象最深嘅一幕，应该就系佢哋俾传统鱼腩北马其顿喺世界杯附加赛一脚踢出局。归根究柢，除咗因为表现突然失准而连续失分之外，同组瑞士以稳定嘅表现，喺最后关头反超意大利，以小组首名直接出綫先系主要原因。
呢队瑞士队贯彻现代足球哲学：执好防綫，稳中求胜。龙门恩尼森马今季的表现可人，季初对阵拜仁慕尼黑更加做出单场扑救十九次嘅纪录；中坚文路尔艾简治自今季加盟曼城后，似乎多得哥迪奥拿打通佢任督二脉，在防守明显有进步，无再轻出失位；中场亦有今季表现成熟嘅格列沙加，除咗理顺中场节奏之外，并多埋后上助攻，兼有全能型拍档迪积比尔苏维帮佢开路。而在攻击綫方面，就当然唔少得大家都好熟悉嘅梳顿沙基利同埋冲击力强嘅比列安保路。
瑞士今届同组嘅其中两队系上届俄罗斯世界杯嘅老对手，实力接近嘅塞尔维亚同埋大热门巴西，所以首仗面对同组实力最弱嘅喀麦隆，战意毋庸怀疑必定要先取三分。球乐
立即下载 | 全新《星岛头条》APP : https://bit.ly/3yLrgYZ
關鍵字
最新回应