世界杯2022｜专栏：塞尔维亚充当意甲代言人
2022-11-24 12:58 
由球王美斯带领的阿根廷，在世界杯首战打出暂时最大冷门赛果，输畀沙特阿拉伯。若果有睇场波嘅朋友就会明白，阿根廷嘅表现绝对没有热门风范，传球速度慢、防中屏障脆弱，沙特能胜，系实力差距不大之故。
今晚轮到另一南美霸主巴西上阵，又会点呢？首战对住塞尔维亚，呢个前南斯拉夫解体后嘅国家今届已第三次参赛，在欧洲区外围赛以六胜二和成绩压倒热门葡萄牙，首名直接出綫决赛周。由九十年代起，笔者就非常欣赏有「欧洲巴西」之称嘅南斯拉夫，经常出现技术出众又充满创造力嘅球员，其领队史杜高域就系当年意甲嘅十号仔代表人物。塞尔维亚阵中以意甲兵为主，祖记孖宝杜辛华荷域、菲腊高斯迪，拉素中场米连高域沙域等，系我爱队意大利缺席下嘅爱的替身，能攻善守，球员大熟之年会有睇头。
巴西今届进幅极大，热门有理，推介入球大同埋会玩下「同场过关」总入球4球&角球多于9.5球。马高
立即下载 | 全新《星岛头条》APP : https://bit.ly/3yLrgYZ
關鍵字
最新回应