Juicy叮｜港男：移民后物欲大减颓装出街 网民列3大原因

近年亦不少港人移民到外国。有港男则在网上发文指，在移民后物欲大减，又直言「无咗嗰种好想买嘢食好嘢满足自己嘅感觉」。帖文随即引起热议，并可从网民的留言中归纳出3大原因。

该名港男在连登讨论区以「有无人移咗民之后物欲低咗」为题发文，指自己仍在香港的时候「出街会谂著咩衫，点衬法，得闲就买下衫改下自己outfit咁」，并指「又成日出去搵好嘢食」。他续指，但在移民后已有一年未曾购买衣服，「出街完全系颓装，保到暖就算」，又指在饮食方面，「大部分时间都系自己煮，粗茶淡饭」，并直言「无咗嗰种好想买嘢食好嘢满足自己嘅感觉」。

请点击组图浏览：

港男指，在移民后物欲大减。示意网图

相关帖文随即引起热议。网页截图

有人认为是两地文化及生活习惯不同。网页截图

有人则认为是因为收入减少。网页截图

另有人则认为是外国的价值观与香港不同，并指「香港社会有少少扭曲」。资料图片

相关帖文随即引起热议，有人留言指「咁生活，心情系好咗定唔好咗」、「物欲系会渐渐麻木，冇穷冇尽咁增加，平淡是福」、「根本就应该系咁」、「生活简单咗，人自然都开心埋」等。有其他已移民的网民则指，「出街食同买衫系少咗，又远又贵，自己煮平好多又新鲜，但游戏机支出大咗，买咗两部新主机，又要subscribe月费plan，又要买game」、「移民后行街行得最多就系超市，食材款式多，同埋成日谂整咩嘢食」、「反而买多咗嘢，因为太得闲」、「我都系，但开心咗，生活好似简单咗好多」等。

相关新闻：

Juicy叮｜好兄弟移民自己竟最后一个知 港男：心情衰过失恋：https://bit.ly/3TZtJrO
Juicy叮｜两次强检无影朋友被揭全家移民没收公屋 网民:后路都无埋：https://bit.ly/3Vj21qZ
Juicy叮｜卖楼移英半年难适应新环境 港人欲回流陷两难惹议：https://bit.ly/3Vm0r80
港人移民留下住公屋长者 1原因或无法转为户主 房署咁样讲.......：https://bit.ly/3XuwDHZ

另外，网民的留言大致可归纳出3大原因。有人指出是因为两地文化及生活习惯不同，并指「系香港人太多一出街自然会评头品足，先会令到香港人咁著重外表，外国生活一嚟文化背景同审美唔同，二来大部分都系随意落楼look出街根本冇人care，自然是是但但出街都唔会唔舒服」、「外国啲人著衫系功能性多过外观」、「虽然冇再花钱落去衫裤，但系锺意花钱落去布置整靓间屋，锺意买园艺工具，装修工具」等。

有人则认为是因为收入减少，「主要系穷咗」、「系咪因为经济困难咗咋，生活质素下降，系得番叫做自由」、「系因为你穷咗搵钱少咗」、「无钱又低人工，点有物欲」、「简单一句即系无钱」、「主要因为搵少咗，税交多咗，消费品又要税，根本无乜多馀钱消费」等。

另有人则认为是外国的价值观与香港不同，而压力亦较细，并指「因为购物欲好多时系压力引起」、「香港社会有少少扭曲」、「物欲系因为你身处一个有比较所以高压既环境，以前唔觉，但系嚟咗外国之后发现香港其实系一个好畸形嘅地方，由读书开始已经个个喺度比较，你要好注重自己，一有少少唔对路就好多人会评论你（我果个年代读书系咁）」，并指「出咗嚟社会，个个都要着名牌，揸靓车」，「总之由细到大都系一个大家互相评头品足，导致好大压力既环境」。相反，「外国好多城市一来冇咁繁荣，又或者人地嘅价值观就系咁，你著乜嘢都唔会有人笑你，著名牌又唔会有人赞你（反而你著啲普通野但著得靓就有人赞），所以你都唔会去夹硬用钱去装饰自己，食既野唔会去打卡就系为咗畀人睇。」

帖文来源：连登讨论区

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ