冷血司机落网│利潍仍未苏醒 彭母：希望法律制裁到 起码还我个仔一个公道

「呢个司机好恶劣！我个仔太唔好彩，（佢）撞咗唔理阿仔，仲要烧埋部车，唔止一次，太过份！」元朗被私家车撞飞10多米身受重创的14岁少年彭利潍，仍留医深切治疗部，一直昏迷。彭母获知警方已拘捕涉案司机，感谢警方积极破案，「起码捉到两个人(警方已拘捕3男1女)，阿仔都有啲安乐，不过，唔知告唔告得入。」

当获悉被捕司机早在去年7月因一宗危险驾驶案件而被通缉，彭母坦言「呢个司机好恶劣！如果唔系当时有途人报警，我个仔真系好危险。警方有联络到我，话畀我听拉咗人，但拉咗咩人，几多个人我就唔知。」

彭母指利潍今日要做盘骨手术。杨伟亨摄

利潍与妈妈的合照。受访者提供

11月7日当晚利潍在元朗青山公路灰沙围散步，突遭一辆私家车撞飞10数米，头部及盘骨重创。资料图片

相关新闻：14岁少年被撞案警再拘3人 揭司机无牌驾驶 女友助烧车 利潍母亲感欣慰

她对于涉案司机一直被通缉而未被捕，认为太过份，「或者佢唔只一次，我个仔唔好彩，直情撞到佢咁散......天网恢恢，如果告得佢入，法律制裁到佢，市民都安乐，起码还我阿仔一个公道，唔好消遥法外。」

利潍今日（18日）做盘骨手术，「依家未知情况。医院未打嚟话我知咩情况，只系手术前见过骨科医生，听过麻醉科医生电话，佢一直未清醒，脑压同我哋正常人相差好远，不过依家科技好啲，但都系等，医生比较保守，话有机会有得醒，又或有机会醒唔返，睇吓一路医落去系点.......佢应该有好长时间先恢复到。」

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ