独家丨林景程弃高薪厚职老窦用棺材本助置业 唔急做主角冇人睇仲衰

TVB台庆剧《下流上车族》叫好叫座，连饰演「要狗唔要妈」，扔低「阿妈」鲍起静独住公屋的林景程亦人气急升，尤其见到鲍姐以视像，用日文向「老婆」读道歉信嗰幕，林景程激动到眼有泪光，七情上面，网民激赞他演技，希望TVB多给机会。而现实中的景程坦言为咗演戏，对父亲亦相当内疚。采访：方骞平 摄影：朱伟彦

林景程靠演戏搵好少钱，爸爸唔太明白，曾质疑他系咪畀人呃！

林景程冇信心拎「男配」。

林景程好有演戏细胞。

林景程现阶段甘心做配角。

林景程认为演戏能释放情绪。

林景程首次跟鲍姐合作，既惊又喜。

昨晚《下流》播结局篇，林景程形容结局大逆转，同初稿讲他会返港，用亲生仔名义争返间公屋好唔同：「最终版本对家宝及妈妈冇咁残忍，算系对角色公平啲，有个舒服局面啦。」首次跟鲍姐合作，景程既惊又喜，拍前准备晒唔同后备方案，好彩鲍姐好Nice，又演得有感染力，即使做少啲观众都睇得出佢系演衰仔。

戏外嘅林景程跟鲍姐相处融洽。

林景程呢幕戏赚人热泪，网民激赞戏好。

《下流》播结局篇，林景程形容结局大逆转。

林景程演得入戏似足一个衰仔。

为演戏争屋企人好多嘢

问到有冇信心「升呢」拎「男配」？他秒答冇，「近年我学会，唔可以代表角色拒绝拎奖，咁样会对角色唔公平。」他坦白讲现阶段甘心做配角，因为观众冇兴趣睇他孭飞的剧，做主角只会整死自己。

林景程相信现阶段观众冇兴趣睇他孭飞的剧。

林景程拍紧新剧《罗密欧与祝英台》，有好多搞笑位发挥。

林景程喺《香港爱情故事》中演地产经纪，以幽默抵死言论抢晒镜。

《杀手》中林景程惨死，搞喊唔少观众。

景程爱演搞笑戏。

林景程完成香港理工大学物理治疗系荣誉理学士学位，坦言全职做物理治疗师不愁生活，亦不用辛苦兼顾埋做兼职物理治疗师：「所以老婆早期都有诈我型，试过直踩40小时会发悔气，太太反而会提返我『你兴趣嚟…你自己拣㗎！』」现实中的景程获老爸资助置业，他不好意思说：「如果我做全职物理治疗师就可以解决到好多问题，𠵱家系爸爸用棺材本嚟帮我上会，算系另类不孝，虽然我有还本畀佢，但冇畀息，总之为咗演戏，我争屋企人好多嘢啦。」

林景程同林正锋系两表兄弟。

为追梦放弃高薪厚职好彩得太太体谅肯一齐捱。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ