独家丨鲍起静唔做乞人憎长辈拒移英黐实个女　唔望拎视后拍得过瘾就够

2022-11-11 07:00

鲍起静当日获总导演关文琛邀请时，一听到剧名叫《下流上车族》便决定接拍，加上角色狼戾的「Emma婆婆」跟她反差很大，爱挑战的她更喜欢，而现实她亦经常提醒自己不要成为乞人憎的老人家，所以从没想过黐实定居伦敦的女儿。另外早已是影后的鲍姐唔期待做视后，反而希望好拍档江美仪得奖。采访：杜杜摄影：谭志光

鲍姐认为跟新一代相处，切忌恃老卖老。

鲍姐觉得《下流上车族》个名够贴地，一听已经喜欢，对演绎「Emma婆婆」更加觉得好玩，「个故仔原来咁得意，有个咁嘅阿婆咁乞人憎，咁狼戾嘅，我个人唔狼戾㗎！演员真系太被动，毕生都喺度等可以突破、好嘅角色，今次真系好好运，撞到个比较少演嘅角色，有好多人唔相信我可以做到，但呢个系好好嘅尝试同挑战。」

鲍姐不时提醒自己，不要变成剧中「Emma婆婆」这类老人家。

鲍姐谓若是「Emma婆婆」，也不会跟个仔移民日本。

赞江美仪成功收拾林敏骢

73岁的鲍姐，也会经常警惕自己，「老人家有好多经验，有时会自以为是，以为自己啱，同埋有啲旧嘅道德标准，其实喺新世纪有啲过时，青年人尊敬你，唔一定似我哋尊敬长辈咁样，我哋仍然憞起个款一定乞人憎！」所以她跟丈夫方平和独生女方之桦也会维持各自的空间，不会移民到伦敦黐着她，「佢十六岁已经去，喺嗰度结婚生仔女，佢成日都会问我哋过唔过去，我哋一定唔会啦！一年去两、三个月探吓佢哋已经OK，唔可以介入佢哋生活，唔使黐到埋揽到实。」

鲍姐跟丈夫方平育有独生女方之桦，现定居伦敦。

鲍姐跟方平留港生活也不愁寂寞，得闲就跟发哥跑步跟朋友相聚。

由1997年《肥猫正传》到现在再合作，鲍姐赞江美仪成熟了很多，最大优点更是林敏骢克星，「点解佢可以收拾到林敏骢呢？因为佢已经炉火纯青，佢做咁多搞笑节目、主持，同拍过咁多唔同角色，完全系控制自如，我哋全组都话靠你呀！哈哈！美仪𠵱家好好，真系影后级。」所以问到2008年凭《天水围的日与夜》获得影后誉荣的鲍姐，会否想攞埋视后？她都睇好江美仪，「呢啲都系一间公司嘅人互相鼓励嘅奖项嚟，我老人家好开心拍到一个剧大家又喜欢，自己又过瘾，开心过咗几个月已经够。」