独家丨林颖彤恨同妈咪弃公屋成功上车买楼唔要靠男人帮手

2022-11-11 08:00

林颖彤（Bella）在《下流上车族》饰演港女KOL「王亦诗」，既恰老爷和老公，又经常跟「Karen婶」江美仪斗气，最初她都好担心角色好乞人憎，而拍摄时重遇童星时合作过的鲍起静和江美仪，份外有亲切感。自小住公屋的她，也承认是真实的「下流上车族」，不过她拒绝靠男人买楼，搵对象最重要沟通到。采访：杜杜摄影：罗安强发型:Eas Fu@Admix Hair Styling 场地:The AIR (The ONE)

Bella自小在住公屋长大，所以跟剧中人一样都有个「上车」梦。

Bella跟剧中的老爷邓智坚和老公关曜儁都合作愉快。

早在童年时Bella 已跟鲍起静和江美仪，分别合作过亚视剧《妈妈我真的爱你》和《万家灯火》，今次再合作好有亲切感，「我有问佢哋我细个点，嗰时我得九岁印象好模糊，净系记得要背对白，想知佢哋对我嘅感觉同大个有冇唔同？佢哋话我细个好乖坐喺度做功课，鲍姐仲话以为我好似𠵱家演个角色咁，哈哈！大家可以一齐拍嘢好开心好难得。」

当年Bella在《妈妈我真的爱你》中，饰演鲍起静的女儿。

在《万家灯火》中，Bella已跟江美仪合作。

畀江美仪睥即淆底

剧中经常跟江美仪闹交，Bella坦承镜头外其实是处于下风，「我惊惊哋，因为有种尊重长辈嘅感觉，所以闹美仪姐嘅时候，我系有啲怯，其实我哋一家三口成日闹佢嘅时候，会畀佢嘅气势搞到唔记得对白，佢都会话『惊呀？我唔咁恶望你啦嘞』，所以有时会NG，因为美仪姐气势太强，寸完佢畀佢睥返我转头都淆一淆底。」

Bella承认江美仪闹人气势好劲，经常被她吓到。

剧中Bella重遇童星年代合作过的鲍起静、江美仪和袁文杰。

自小住公屋长大的Bella，都有个「上车」梦，所以好理解剧中主人翁感受，「愈大个就愈明白嗰种有个地方有安全感嘅感觉，都有呢个共鸣，可以上到车就算细细哋都好，同爱嘅人一齐安居乐业好紧要。」不过她承认距离「上车」目标仍然很远，「𠵱家楼价跌有返少少希望，都储紧首期，终极当然希望两房单位，可以同妈咪住得舒服啲，但都会谂上咗车当系储钱先，所以开放式细细哋我都会谂，不过仲系谂同研究阶段。」不过讲到「上车」刚满30岁的她坚拒向未来另一半埋手，认为拣对象沟通到最重要，「锡我就OK，个价值观一致，大个咗发觉心灵沟通好紧要，生活会遇到好多问题，喺内心有个支柱紧要啲，但系呢个剧嘅角色会唔会影响我嫁唔出呢？呢个新抱好似有问题？我要讲『未来老爷我唔系咁，唔会恰你㗎！』哈哈！」