谢安琪要求张继聪由头再追过咁先有新鲜感 爆当年获老公热烈追求
2022-11-06 22:45 
谢安琪（Kay）今日到尖沙咀出席自家品牌与口罩的联乘活动，Kay表示品牌成立了差不多一年，更透露下年打算出食品，问她有没有打算将品牌做得更大？她说：「睇吓做唔做到，如果有大资金同品牌搵我，我好乐意，我好多时都系同小商户合作，因为佢哋受疫情打击好大。」
爆囡囡唔畀面爸爸只爱教主
Kay老公张继聪有份参演的剧集《季前赛》正在播映，Kay指当初老公好热烈地追她，故现在自己也要热烈地追剧，记者笑指张继聪已得手，Kay即笑说：「未，仲追紧，我成日要佢由头追过，咁先有新鲜感。」问到老公在剧中的表现如何？Kay就表示可能因年龄关系，故看老公戏份多于MIRROR，更大赞对方演得趣怪及好有活力，问到身为「神徒」的囡囡睇剧时会看爸爸还是MIRROR？她就笑指囡囡毫不畀面爸爸：「冇Anson Lo(教主)嗰集佢就唔想睇，我话爸爸就出场，佢话唔使，即刻入房瞓，专一方面真系要向我学习，（但佢对Anson Lo好专一。）唔系，佢都会分心睇姜涛，有时唔觉意等紧Anson Lo嗰阵见到姜涛，又会被电亲。」
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应