邓兆尊爆遭一歌手直行直过当睇唔到：佢好高级数出过两三只碟
2022-10-18 11:00 
最近有不少网民在各大讨论区上爆料，以大派花生方式留言声称某某艺人系双面人，镜头后的一面相当乞人憎，在圈中人缘甚广的邓兆尊，日前在YouTube Channel「田豪祖3宝」的直播上，有分享自己亦有这方面的经历：「试过一个歌星都红嘅，出过两、三只碟咁样，本来大家都好Friend嘅。有次喺TVB撞到佢，我行过佢睇我唔到，可能佢条颈扭亲，所以咪岳高头咁行。好彩当时TVB有个梳化同事同我讲：『哼，呢啲好快打柴呀！』点知不出半年，即刻跌晒落嚟。佢本身好高级数，只系四大天王低啲啲，系新秀出道，同我差唔多年龄，突然间谢咗好耐冇出现。」虽然两位主持不断竞猜，但兆尊都无开名：「佢而家好咗好多，费事讲喇！」
【点击睇邓兆尊入行多年相】：
跟住又问邓兆尊点样可以「冇巨星嘅自觉」？兆尊就话：「唔好当自己系边个，系人哋当你系边个，唔好成日觉得自己好叻，要人哋觉得你叻先至啱。呢个世界冇最叻，有才华上唔到位，系尸横遍野，反而冇才华上到位嘅，就大有人在，点解呢？有背景已经系潜规则，其馀就算系叻嘅话，都要谦虚做嘢，因为叻嘅人真系好多，当然仲要肯蚀底，点都做咗先，唔好吓吓计较，冇钱喎，不如唔好做！乜都做吓喇，有阵时会有啲意想不到嘅嘢！」
寸爆新人大排场
兆尊亦提到现时有新人排场相当大：「好似话有架保母车喇，又有梳头化妆，仲有7、8个人跟住，所以佢自己会飘飘然都唔知，但系行到入去系冇人会知，其实呢啲安排嘅钱系记数，将来赚到钱要还番，但系通常都还唔到。」
后来，他们又提到人称「玻璃朱」的朱庭萱早前参加TVB举办的《中年好声音》面试落败，事后她在网上出po表示因为迟迟未收到面试通知而质疑TVB可能会筛选参赛者的参赛资格，又表明「好多人同我讲我哋呢啲背景身份嘅人TVB唔会俾我哋入围」，作为前TVB艺员的邓兆尊，随即辩护：「呢个我一定要帮TVB讲，TVB系好公平嘅，任何人你只要写信去，一定有机会。佢会筛选，你都睇到啦，会排晒队海选，唔会话识高层就会好啲嘅，我背景咁好都系由低做起咋你知唔知！我都系2500蚊一个月，做嗰啲二打六做起咋！」
至于朱庭萱表示最终要向高层朋友查询才马上被安排面试，邓兆尊笑说：「佢搵得高层就做漏一样嘢，就系『培训』！」他又强调澄清自己所讲的是「培训」而非「陪瞓」：「话畀你听畀条捷径你行啦，你去多啲红磡，嗰头有间酒店，你出入多啲就会红得好快！喺黄埔入面，去多啲嗰间啦，嗰度多高层出入啊！唔好问点解，嗰度好多Training，你去嗰度得㗎喇！
【其他阅读】:
TVB小花陈若思做性感野人搏到尽 心口开「窿」晒傲人上围抢晒镜
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应