独家丨方伊琪开Show唔敢请汪明荃做嘉宾 唱足47年从来唔会争名夺利

方伊琪（方姨）将于下月2日在文化中心举行《琪妙的约会演唱会》，她事先张扬会献唱偶像汪明荃的经典歌。方姨最喜欢阿姐工作守时认真，仲会鼓励后辈：「2006年我同佢一齐拍电视剧《东方之珠》，佢知道我唔系经常拍剧，就叫我『唔使怕，读熟佢(剧本)，你得㗎。』」方姨觉得以前嘅阿姐比较cool，问佢嘢未必肯答你，曾跟她说：「阿姐好多人锺意你㗎，话你好靓。」岂料对方回应：「我都唔觉得自己靓！」。采访：方骞平 摄影：朱伟彦

方伊琪好爱唱歌。

方伊琪喜欢简单生活。

方伊琪唱足47年从来唔会争名夺利。

目前最大兴趣学吓玄学。

方伊琪将于下月2日在文化中心举行《琪妙的约会演唱会》。

环星娱乐老板张国林(左一)为一班歌手开骚，包括方伊琪(右二)，张伟文经理人方俊(左二)担任表演嘉宾。

方伊琪好Like汪阿姐，除因阿姐工作态度认真外，原来年轻时，方姨同阿姐「撞样」，所以对她情有独锺，方姨笑住说：「咁我都算系有返咁上下 (姿色) 嘅，多谢妈妈罗。」问到可会邀请阿姐做表演嘉宾？方姨自言请唔起，亦冇咁嘅胆量，只系应歌迷要求演绎阿姐嘅歌，如《万水千山总是情》、《归帆》等。 

方伊琪和阿姐同一打扮，于1984年的《龙凤呈祥贺台庆》中合唱《万水千山总是情》。

方姨(右)同汪阿姐(中)真系有啲似样。

方伊琪当年与「哥哥」张国荣及雷安娜都合作过，旁为胡渭康。

方姨13岁时参加TVB《声宝之夜》歌唱比赛获满分，1975年开始唱歌唱足47年：「其实我只系一个唔会争名夺利嘅师奶，最重要开心，一家人健康。老公谢永康喺1987年投资失利曾经输咗股票，损失超过80万，但我冇怨过佢，咁冇咗咪再搵过罗，都好感恩上天对我好好，𠵱家总算比上不足比下有馀啦。」

方伊琪跟音乐人老公谢永康(左)及儿子谢卓达(右)喺屋企唱歌，一家人好开心。

方姨曾被玄学家林国雄算命，指她命格会唱到70多岁。

方伊琪系幸福小师奶。

 

方伊琪得闲会相约圈中朋友茶聚。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ