Serrini唔想再做恶女人 成日扮王菀之讲嘢：做一个温柔嘅人
2022-10-14 12:45 
歌手梁嘉茵（Serrini）、汤令山（Gareth T.）、岑宁儿等昨晚到湾仔出席音乐颁奖礼，岑珈其则担任大会司仪。以高叉露背长裙现身红地毡的Serrini，当遇上男扮女装的KOL盐叔后，即时大叫「细佬」兼爆粗，并冲向对方时笑指与对方撞衫，之后两人更一起摆pose影合照。
【点撃睇音乐颁奖礼音乐人靓相】：
将于12月与王菀之（Ivana）在会展开骚的Serrini表示最近因受朋友操影响下走去练「大只」，已练了两星期，但否认是为开骚做准备：「开骚要练歌，好紧张，我唱歌又冇乜气，因为我今年唱歌都系做人嘉宾，同埋录紧嘢，所以想留返啲力，同埋主要系背歌词，因为唔想到时要睇提字机。」Serrini透露11月将推出与Ivana合唱歌《恶品味杀神事件》，该曲黄伟文填词、Ivana作曲，她指由于很高音，所以唱时也觉得辛苦：「佢（Ivana）嘅高要求令我有进步。（开骚惊唔惊都系咁高要求？）好呀，我个人最锺意高要求，教练对我高要求，我就会再练大只啲，希望好似Tyson Yoshi咁大只。」
Serrini又透露月底会推出一首有关冬日主题的歌曲，更笑指不想继续做恶女人：「我想做一个温柔嘅人，我觉得王菀之可以教到我好多嘢，我而家成日扮佢讲嘢，佢好可爱、好多想法、好活泼，所以我觉得演唱会都会好有惊喜。」她指演唱会本来5月开始准备，但因疫情关系而一直延期，现在只希望演唱会能平安度过，虽然个唱未卖飞已加至四场，问到会否再加场，她说：「我唔知加唔加到，如果可以加网上都几好，但唔知有冇人睇，对自己冇乜信心。」Serrini笑言与Ivana走在一起就如个唱主题「Fairy Nice To Meet You」般有火花：「佢真系有仙气，我就有妖气嗰只fairy，夹埋一齐其实好有趣，今次拣曲，我系将我最女性化嘅歌摆晒落去，所以fans如果以为我又会尖叫嘅话，应该会无所适从。」
【其他文章】：
卢瀚霆结束韩日散心旅程尽兴而返 数百fans接机为「教主」打气场面墟冚
MIRROR复出将全员出席《AllStar篮球赛》 AL郑欣宜《神の拉阔》落实11月举行
中环海滨12月办巨星音乐会！前韩团队长台湾天团新加坡天王齐集？
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应