独家丨沈殷怡为梁朝伟或动摇性感底线　赞Stanley嗌交好对手

2022-10-14 07:00

沈殷怡（Shirley）在ViuTV剧集《野人老师》中，饰演邱士缙（Stanley）老婆「何满儿」，仲有个10岁囝囝「轩轩」，演戏经验不多的她最初都好担心不似人妻及人母，好彩两「父子」都好合作，她又笑指唔担心角色愈演愈老，反而拍剧如要像《海女日记》般穿泳衣作性感演出，更要考虑清楚。采访：杜杜摄影：朱伟彦服装：iBLUES@iblueshk @iblues_official

Shirley很享受可以综艺和戏剧同时发展。

Shirley在《暖男爸爸》都演过人妻兼人母，但只得几分钟戏份，今次同戏中囝囝「轩轩」长时间合作，除了大赞对方演出神似，亦令她首次感受到做妈咪，「镜头外大家食饭休息，佢真系主动过嚟搵我呢个妈妈，因为佢记住咗我上次陪佢打机，会成日借意喺我隔篱打，问我玩唔玩，好可爱。」

Shirley在《野人老师》挑战做人妻及人母角色。

戏中Shirley虽演郑丹瑞新抱，但大叹只得3分钟对手戏。

开心能双线发展

至于初次跟Stanley合作拍剧，Shirley大赞这位好对手，「佢演戏经验比我丰富，我都惊自己控制得唔好，特别系我哋有太多恩怨情仇，我哋嗌交戏唔系一场半场咁简单，后尾好多情绪爆发嘅戏，好多谢佢系我对手，令到我好安心同埋冇压力去做呢件事，我会惊呢take做得唔好，要迫佢陪我爆多次，佢话完全冇问题，呢啲位会令我更加感触，更加容易投入情绪。」

Shirley大赞「前夫」Stanley是个非常好的对手。

Shirley在ig公开「前夫」视角，证明同Stanley合作几愉快。

Shirley开心目前可以综艺与演戏双线发展，未来她都想演更多戏，跳出主持的舒适圈，不过讲到演戏会否好似拍《海女日记》一样性感演出？Shirley笑说：「睇角色需要，《海女日记》系关于海嘅节目，如果系叫《地上的女孩》就未必会咁做。」笑她《美女郊游游》都性感行山，她就大呻，「我有同Mike导追究呢件事，当年深深畀人欺骗，哈哈！真系要睇剧情需要，如果角色系明媚嘅女人，好多内心戏，我又觉得可以挑战吓。」不过讲到性感底线，Shirley坦承像汤唯在《色戒》中演出就未必接受到，但若对手是梁朝伟即动摇，「好难呀！如果有一个咁嘅机会，我会慎重认真去思考，𠵱家我谂法有些少抗拒，但如果系非常好嘅剧本，可能会改变主意。」