袁伟豪言行率直全因唔够瞓所致 负评新闻影响接Job难逐一澄清
2022-10-11 11:30 
性格率直的袁伟豪过往因为网上留言而多次与网民展开骂战，尤其与张宝儿结婚后，流言蜚言变得更加多。早前接受港台节目《安哥同学会》访问时，入行25年的袁伟豪，可能经历过太多起跌，所以当机会来到的时候，难免会比较认真，希望好好把握：「其实唔止对工作，甚至对自己的人生都必需要认真，但系我有时都觉得呢种认真嘅态度，似乎都唔系好适合喺呢行发展。」他又称近年因为某些情况令他多了表达意见，有时对自己都出现了问号。
【相关阅读】
【点击睇袁伟豪张宝儿恩爱相】
虽然袁伟豪希望在在幕前演出、幕后制作甚至系人际关系都想做到最好，但因为一个原因而出现了问题：「有时可能比较唔够瞓，啲EQ就会低啲，会导致言行上比较率直，不过我自己本身唔系太识用花言巧语去表达自己，或者系同人哋去交流，我只想希望直接表达件事，可能咁导致近年人哋对我印象唔系太好。」
对于闲言闲言，袁伟豪表示作为艺人，很多情况都是身不由己：「事实嘅真与假都唔知系咪嗰回事，再加上除咗自己本身，喺呢行都要同好多单位合作，先可以成就大家睇到的娱乐新闻。我唔系话刻意去制造新闻，只系有时大家喺工作上各有所需，佢有佢写，我有我自己，但偶尔都会觉得好气馁，我辛辛苦工作，亦都喺自己人生上有咗个选择、搵到个我适合嘅人建立家庭，喺心灵上到我嘅依靠，但系好似呢两年，自从我结婚之后，多咗好多闲言闲语，我都觉得有啲灰心。」
主持人安慰袁伟豪凡事只要问心无愧就可以，所有声音都有过去的一日，但袁伟豪说：「而家互联网发展好快，同埋每日嘅报道同资料都会存档，而入面好多事情都唔系真。可能我啲工作客户想了解我会SEARCH我，嗰啲唔属实资料会留咗喺我嘅档案，我好难去澄清所有，呢方面会令我觉得唔系咁好。」
【其他阅读】
美丽战场｜《爱回家》樊亦敏出场5分钟成整集最佳演员 八婆嘴脸加寸爆对话抢晒镜
上山诗钠女儿Hilary私服靓相大合集！混血靓样人气急升狂吸fans
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应