李静仪被指身材同样有变化 强调冇整容上围一向「小馒头」

李静仪（Heidi）、卫诗雅今日到尖沙咀出席活动，前者最近上载泳衣相到社交平台被网民大赞身材好，穿上低胸白色长裙的她，非常性感。

Heidi唔经唔觉31岁，近年个样同身材明显成熟咗。

佢话只系做咗疗程，无整过容。

卫诗诗最近忙搬屋。

Heidi露上又露下，好难得。

两人齐著白色长裙，轻渗仙气。 ​

Heidi透露现时正为即将开拍的动作片学功夫：「我学紧一招骑上男人身上，然后用铰剪脚挞低佢。」Heidi笑指现时可成功挞人，又谓自己本来已想学功夫防狼，问她是否经常被博懵？她説：「都惊嘅，畀男仔恰时可以对付返佢哋，其实拍《假冒女团》时有学（功夫），不过就冇机会展示。」提到被网民指身材及样貌出现变化，Heidi强调自己冇整容：「可能因为长头发，同埋做咗啲美容疗程，身材方面我不嬲都系咁，系『小馒头』，可能影相角度问题，侧身加上有少少阴影，睇落觉得有啲唔同，网民话见到张相好惊，其实好小事，大家唔使惊，都系focus返去啲身材好嘅女星度啦。」

Heidi自称身材只系小馒头，觉得大咗只系角度问题。

同场的衞诗雅同样穿白色长裙，提到她看起来瘦了不少，她直言因最近忙搬屋，以及为稍后开工而减磅：「开工时好多嘢食，好容易肥。」

已有3、4个月没拍戏的卫诗雅，指搬屋花了五位数，所以要努力搵钱，虽然打算悭住使，但她自爆出席活动前跌烂手机，搞到又要花钱买新电话。她还透露手上有3个剧本，当中包含沉重、喜剧和惊栗类型，她表示以往会选择接拍比较沉重的角色，但现在人大了，比较想接拍喜剧，因为她觉得令人笑是一种福份。

Michelle自爆出席活动前跌烂手机，搞到又要花钱买新电话。

Michelle搬屋用咗5位数。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ