独家丨张伟文忘记「惨不忍睹」事件明年再开Show 方俊爆近况:食饭系咁唱

张伟文的歌手经理人方俊开《星级靓声演唱厅》直播，请来吴香伦胞妹吴江伦担任嘉宾，大唱经典歌郭小霖《从不知》、林忆莲及王杰的《还有》、徐小凤《消遥四方》等，为下月10日起，每隔两周的线上节目《岁月如歌》做热身。方俊做张伟文及老牌新加坡歌手丽莎经理人，两班Fans得知他做《星级靓声》直播即帮手推节目及课金，令方俊非常开心。

张伟文经理人方俊昨晚举行《星级靓声演唱厅》直播。

方俊请来吴香伦妹妹吴江伦担任嘉宾。 ​

当晚方俊大唱经典歌郭小霖《从不知》、林忆莲及王杰的《还有》等。

除获张伟文忠粉帮手推节目及课金外，方俊更获环星娱乐老板张国林力撑。 ​

直播现场有乐队伴奏。

三场《张伟文友情有义演唱会》于今年8月大功告成，方俊指张伟文获好多朋友友力撑，故计划明年同张伟文合体开演唱会：「疫情后好多歌星都出返嚟开骚，演唱场地唔易book到，我哋入咗好多个明年嘅期，睇吓book到咩场地啦，当然今次演唱会以张伟文做胆，暂未构思主题。伟文冇催促我几时有骚开，不过我每次问佢『开唔开骚呀？』佢都好期待追问返我『咁几时呀？』我就答佢随时都开得㗎！佢就秒回『好呀！』」

三场《张伟文友情有义演唱会》于今年8月大功告成。

张伟文获劲多Fans支持。

张伟文每场见到歌迷都感动到爆喊。

方俊话张伟文最爱就系唱歌。

张伟文系属于舞台嘅。

方俊认为，虽然69岁嘅张伟文患有失智症，但对他来说唱歌好似食菜咁，一啲压力都冇，他更指最近张伟文状态回勇愈嚟愈精灵，可以跟他互窒，而且大部份思路都清晰：「佢近期记忆力可能差少少，但旧事就记得好清楚，尤其系歌词，每次食饭，佢都好似只开笼雀咁系咁唱，佢本质系属于舞台嘅，系开心地唱，因为佢嘅技能就系唱歌。如果唔畀佢唱歌，要抑压住佢对佢身体反而冇咁好。」方俊指张伟文唱得开心，活得开心，系一个乐天嘅艺人。

有得唱歌嘅张伟文变得好精灵。 ​

连食嘢都多咗嘢讲。

同方俊及方丽盈饮饮食食好开心。

方俊为张伟文上塔香祈福，两人好好感情。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ