独家丨吴千语罕提百亿富三代男友施伯雄坦认好幸福未打算生仔唔嫁住

2022-09-17 12:15

近年差不多长留内地发展的吴千语，最近终于有新作《一路瞳行》，首次跟影后惠英红合作，更获红姐亲自教戏，而戏中千语跟红姐演的妈咪关系很差，会她反省跟父母关系。讲到工作表现不及跟富三代男友施伯雄恋情受关注，千语完全唔介意，但承认两人感情稳定，但暂未有计划结婚，或者想生仔时先谂。采访：杜杜摄影：娱乐组发型：Him Ng@The Attic 化妆：[email protected]服装：Sandro场地：whereami.hk

千语懒理外界是非，认为自己过得幸福开心最重要。

《一路瞳行》是导演朱鳯娴亲身经历，千语的角色正是导演本人，所以她有任何疑问可即问导演，反而更易投入角色。至于跟戏中演妈咪的红姐合作，她完全冇紧张，更获红姐亲自教戏，「佢会教我点样利用身边道具，可能嗰场导演设计咗要咁做，但你可以攞啲嘢当道具去帮自己表达感情，甚至有时可以要求另一啲道具帮手，我学到好多之前冇谂过嘅嘢。」

拍摄时26岁的千语着起校服冇违和感，戏中跟红姐有不少感情戏。

戏中健全的千语要面对分别由红姐和吴岱融饰演、同样失明的父母。

曾跟妈咪经常顶嘴

戏中千语同妈咪关系好差，她坦承年少时也有做过做「衰女包」经常跟妈咪顶嘴，但现在同妈咪已似朋友相处，「阿妈始终系阿妈，佢最锺意send啲咩『捱夜对身体十大坏处』嗰啲文章嚟，哈哈！反而做嘢佢唔会理我，对佢嚟讲我几成功都唔够我健康重要。」父母更是她的头号粉丝，「睇到我嘅嘢就save低，有作品一定睇，仲拉埋啲朋友去睇，默默支持。」

千语笑言父母已成为她的头号粉丝。

千语话生活充实，不用开工就约关智斌等朋友出海玩。

虽然千语的工作不停，但大家似乎最关注她的感情生活，她完全理解，「有时我睇人哋啲嘢，都会锺意睇人哋拍拖多过做嘢，哈哈！细个可能会介意，但系大咗就冇，同埋真系过得好开心好充实好幸福，你唔会太介意人哋讲啲咩。」问到跟男友施伯雄感情生活，她露出幸福甜笑话：「都好稳定罗！」但她坦承不急于结婚，「细个会谂最好几多岁前结婚，但𠵱家变咗，其实我年年有啲变化，但系我觉得𠵱家呢个状况都几开心，唔使谂一定要结婚，其实要结又可以嘅，但系觉得冇乜必要，又唔系要生仔住。」