何超仪办Disco演唱会 忆被张国荣赶走梅艳芳教媾仔秘诀
2022-09-17 00:00 
已故赌王何鸿燊千金何超仪(何超)相隔3年再开骚，将于今晚及明晚于九展举行《The Flash Back Now party》，唱尽她非常欢喜80年代嘅Disco名曲。讲到Disco，她就兴奋自爆当年拉住家姐何超琼(Pansy)衫尾落DD，同巨星梅艳芳、张国荣、罗文及陈百强等聚会，她更爆出被张国荣(哥哥)责骂兼赶离DD现场嘅𤓓事。
她说：「当年嘅香港系五光十色，尤其流行Disco，啲人扮得咁靓，好有型，好有态度。印象最深刻13岁时跟咗去Disco出席哥哥演唱会嘅after party，因为唔识饮酒及跳舞，就贪玩用玻璃球嚟电行过嘅人，因而被哥哥怪责『知唔知会好痛㗎？你再咁曳嘅话，我𠵱家即时Call车车你走。』最后我都系被赶走咗，因为我电亲黎小田。」另外，梅姐又向她传授媾仔秘诀，要用眼神电对方，而唔系喺舞池高举双手乱舞，咁样反而会吓亲男仔。到她18岁想入行唱歌，Pansy在文华酒店严厉喝骂她：「你衰唔衰呀！冇Taste，又肥又唔识打扮，唱得几叻又如何？」「契爷」丹尼仔远处已听得到，即解围叫Pansy唔好闹个妹，然后提出翌日带她去买衫，所以她人生第一套战衣是由丹尼仔买给她的。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应