独家丨陈展鹏拍《黯夜》中环街头丧跑 做咗老窦唔锡身起飞脚搏命打

陈展鹏最近在剧集《黯夜守护者》再演警察，展鹏形容今次角色「高辉」多年前曾做卧底，系个「hea吓hea吓」嘅人，不过讲到查案依然好有火。演得警察难免有动作场面，不过《星岛头条》探班时，出名搏命的展鹏竟然笑指，今次好鬼轻松，因为「粗重嘢」留返畀前辈李成昌和黄栢文，睇真动作场面都唔少，但系对于拍惯动作戏嘅展鹏嚟讲，全部只系碎料！采访：杜杜 摄影：娱乐组

展鹏身手出名好，踢吓人打几吓梗系轻松搞掂。

讲到今次角色，展鹏话好少做呢类不修边幅角色，都觉得几好玩，「角色系比较hea吓hea吓咁，头发又唔系点吹，好似睇化咗个世界，但系又未去到冇咗团火，只系好多嘢觉得呢个世界系咁㗎啦！」

戏中陈炜跟囝囝俊仔关系唔好，展鹏出手做和事佬。

做咗老窦都唔锡身

探班其中一场戏，讲展鹏追住陈炜戏中囝囝「俊仔」（杨凯博饰）由中环闹巿跑到去中环码头，因为读中四嘅俊仔正值反叛期，跟妈咪关系好差，仲跟埋班古惑仔玩，展鹏好言相劝，点知「俊仔」为咗避展鹏宁愿选择跳海。虽然戏中两人都要跳海，但导演安排咗替身帮手，只系跑吓追吓人咁，对展鹏嚟讲绝对零难度啦！

「俊仔」黐埋班古惑仔一齐玩。

 

展鹏由中环闹巿一直追俊仔到中环码头。

展鹏谂住劝俊仔见陈炜，反而吓到佢跳海。

至于另一场戏，就讲展鹏为救做卧底时跟过嘅大佬李成昌同黄栢文，同班古惑仔大打出手，不过作为警察救人有枪帮手，打起上嚟都唔算太辛苦，反而李成昌同黄栢文啲打戏仲甘，黄栢文仲为展鹏捱咗一刀。展鹏就讲笑话：「动作嘅嘢交畀啲前辈去做，畀晒成昌哥同栢文哥罗！哈哈！我主要系揸枪㗎嘛！就唔使咁多动作啦！」问到展鹏拍动作戏，会否因有了家庭做埋老窦会更加锡身，佢就好肯定话绝对唔会，「做嘢始终都要有个专业喺度，同埋基本上公司拍嘢都好安全。」

成昌哥反而有唔少打戏，不过佢一样应付自如。

展鹏跟栢文哥曾是黑帮兄弟，见到对方有难梗要出手。

展鹏虽然有咗家庭，佢话拍动作戏都唔会锡身。

 

《黯夜守护者》探班

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ