陈滢自爆单身好耐极恨拍拖最锺意被叫「淫滢」:唔好唔嗌呀

2022-08-30 21:30

32岁的陈滢（Jeannie）自入行以来绯闻多多，早前更因拍摄剧集《痞子殿下》与拍档周嘉洛传出绯闻，有指男方秘密到访对方香闺。陈滢昨日（29日）到商台接受《1圈圈》访问时谈到爱情观，及被网民封为「淫滢」的感受。

最新绯闻情侣。

问到入行到现在，最深刻的评语是甚么，陈滢即秒答「淫滢」，她表示起初很讨厌这个称号，「我觉得做咩啫？开头我就好讨厌嘅，之前就叫我肥滢，而家就变咗淫滢。」阮兆祥就笑言做女主角最好是有不同的「型」，陈滢即笑指：「陈滢咪几好罗，陈滢咪几型罗。」她笑指现在觉得「淫滢」充满亲切感，「一开始有啲唔锺意，而家接受咗，仲有啲亲切感添，唔好唔嗌我淫滢呀，我唔锺意㗎！」

谈到绯闻有没有对她构成烦恼，陈滢表示没有，更笑言反而有助宣传，她轻松表示：「你话我锺唔锺意绯闻就一定唔锺意㗎嘞，但的而且确成日都有，咁都唔关我事㗎！佢哋锺意咁写我控制唔到，但你话我系咪锺意，我唔锺意，我嬲㗎！」

陈滢话而家好锺意俾人叫「淫滢」，咁大家做嘢嘞。

阮兆祥提议陈滢不如尽快搵男朋友，结束单身就不会再有绯闻，陈滢就表示有想过闪婚去斩断所有绯闻，她说：「唉，我有时都会谂不如我是但闪婚算啦，咁起码唔使有绯闻。如果我闪婚咪唔使俾人讲罗，我拍拖都可能有绯闻㗎！」

问到曾定下35岁前成家立室的目标，陈滢再搞笑谓：「唉唔好提啦！」她表示现在持开放态度，坦言可用其他方法生小朋友，「我而家为咗唔畀自己呢个目标控制，我系Open Minded（开放）咗嘅，女仔唔好用一个年龄限制自己几时生仔，其实有好多其他Option（选项）㗎，可以领养、代母、雪卵啦，呢几方面我都Open Minded咗。」她更坦言自己都想要小朋友。