杨千嬅揭丁子高小学鸡整蛊行为 与Eason梁汉文「华星三宝」俨如家人

「大笑姑婆」杨千嬅为《有个闺密叫祖蓝》做嘉宾，分享大量与老公及仔仔的生活日常。千嬅透露丁子高私下相当贪玩，经常以整蛊她为己任，而发生得最多的整蛊事件是「石春藏手袋」：「佢同啲朋友夹埋，你知日本餐厅门口好多石春，每当我去厕所准备走，佢就将所有石春摆晒喺我个袋度。我奇怪咁重嘅，一打开个袋全部都系石春，你话系咪㷫吖？」千嬅又指丁子高试过扮狗叫令她当众失仪兼失魂：「佢行行吓街喺后面用只手拍我只脚，然后扮狗叫喎，我以为真系有狗咬我咪大嗌罗，咁我一大嗌好大声㗎嘛，成条街望住我，佢咪喺度笑。」

相反年仅十岁的仔仔Torres思想成熟、且劲识氹妈咪开心：「有次母亲节佢写咭畀我，下款写Unknown son，我搲晒头问佢咩嚟，佢话：『我想畀个惊喜你，但我又惊你唔知系我，咪写埋Son咯』。」Torres又会担心妈咪要减肥唔食饭，会煮蛋炒饭，令千嬅觉得好窝心。祖蓝闻言爆笑回应：「我个女通常抢晒我啲嘢食，不过点都会留番最尾一啖畀我。」

 

千嬅接受祖蓝访问。

千嬅向来都系大笑姑婆，做咗妈咪都一样。

千嬅话老公丁子高好锺意将啲石春放入佢手袋。

千嬅话同阿仔相处后，先学懂「挂念原来系要讲出嚟」。

 

千嬅又好难忘初入行于华星打拼的日子：「我哋嗰时做好多宣传，系咁跑通告，一大班人唔同路线用同一个司机，一齐走天涯。她指与华星另外两宝陈奕迅及梁汉文关系俨如「屋企人咁熟」：「我唔使惊佢哋嬲，咩都会直接讲。」她又感激师姐梅艳芳当年对他们这班新人照顾有加，并教晓他们全公司上下是大家庭：「佢对我哋新人好好，因为做新人冇咁上下知名度好难有自己project，阿姐就会带埋我哋出去攞演出经验同埋见吓人做吓访问。」
 

「华星三宝」感情俨如家人。

有时两父子都会连成一线，管住千嬅饮食。

 

立即下载 | 全新《星岛头条》APP : https://bit.ly/3yLrgYZ