周嘉洛到访绯闻女友香闺断正陈滢称光明正大自爆有新搞作

2022-08-23 18:00

因合作新剧《痞子殿下》而传绯闻的陈滢与周嘉洛，虽然一直否认恋情，不过就被今期《东周刊》影到嘉洛出席完活动后，即搭的士到访陈滢位于柯士甸道香闺。

陈滢今日出席时装活动时，被问到有否被杂志封面吓亲，她笑言没有，更为此感到开心：「因为而家套剧播紧又宣传紧，其实都冇鬼鬼祟祟，系光明正大，因为呢排拍片嗰啲都系我屋企做，所以其实每次嚟，王灏儿（JW）同朱敏瀚都喺度。」

陈滢称周嘉洛系光明正大去佢屋企，而且系常客。

一提到同嘉洛拍拖，陈滢即落闸。

周嘉洛被影到开工之后，即坐的士去陈滢屋企。（《东周刊》提供图片）

鬼祟潜入陈滢香闺。（《东周刊》提供图片）

陈滢透露影片过两日会播放，内容讲述四人玩真心话大冒险，不答问题就要罚饮酒，她更指自己为此而饮醉酒：「因为未食嘢就饮，我哋好似饮咗成枝威士忌，（你做乜唔答问题？）好尖锐嗰啲问题，JW问我『你边段绯闻系真嘅？』，我梗系饮啦！」问到周嘉洛玩游戏时，是否有问陈滢有没有喜欢他，她听罢后即说：「梗系冇啦，不过仲有一个问题系JW问嘉洛现在有冇女仔追紧佢，（系咪你？）佢话冇！」

陈滢指报道出街后没有跟嘉洛沟通，亦不需要解释什么，因为他们很多时候都会来自己屋企：「佢哋噚晚又喺度，前晚又喺度，我哋想一齐睇《痞子》，次次都系4个。」至于是否跟嘉洛拍拖，她就否认恋情，又解释两人的亲密行为只是会在剧集中发生，问到会否担心吓怕追求者，陈滢説：「都唔紧要啦，都走晒，冇乜所谓。」她指现时没有时间与男性单独见面或相处，对上一次也是只跟导演一起吃饭，提到不如叫嘉洛追她，她即説：「点解要佢追我？佢有其他女仔啦，佢咁多选择，我未必系佢杯茶呢。（落晒闸唔俾机会佢？）有啲嘢讲清楚啲好啲嘅。」陈滢又指4人是很好的朋友，日后亦不会为此事而避忌，更表示现正为朱敏瀚寻找女友。