成龙杭州收楼有醒狮迎接超巴闭 4,745万港元豪宅闪到眼盲奢华装潢曝光

今年5月，68岁的成龙搭直升机于杭州用咗4,000万人民币（约4,745万港元）购入4,500尺的豪宅，单位属顶级江景房，楼高4.8米，可远眺钱塘江。日前有内地网友直击成龙收楼，见佢著住粉色恤衫衬白色裤，咁Pink嘅成龙真系好少见。巨星驾到，内地粉丝好惊喜再涌住求合照、握手，咁多Fans埋身成龙都有求必应，一副埋嚟啦无所谓嘅样，真系好Nice呀。

 

好Pink嘅成龙去收楼。

好多人迎接。

 

见有宇宙级巨星驾临，发展商特别为佢举办盛大交楼仪式，并由集团董事长亲自接待，全程陪住成龙行地毡及签名留影，仲做嘢做全套，请埋舞狮庆祝巨星收楼，相当识做人。而发展商亦因应成龙的喜好，为佢制造一个金碧辉煌的单位。屋内的水晶灯、天花板金边均用18K纯金打造，光是玄关就用咗36种奢石，地砖、墙面也都采用大理石制作，极尽奢华。据知成龙觉得豪宅有直升机停机坪方便出入，所以一见锺情咁话。

 

仲有醒狮欢迎巨星。

集团董事长亲自接待。

睇吓张沙发可以坐到几多人。

仲帮手盛载食品招呼朋友。

又金又红几热闹。

好似示范单位咁。

打羽毛球都得喎。

厨房就咁嘅。

客厅就咁嘅。

呢间房经理人住嘅。

 

成龙收楼当日更亲自下厨招待到访的发展商工作人员，期间仲唔觉意曝光咗成龙新楼嘅内部，可见屋内每间房都又金又红相当热闹，除了主卧室，更有房间留畀经理人及管家，当然还有衣帽间及杂物房等，又大又光猛，跌咗嘢都好易搵呀。

 

 

立即下载 | 全新《星岛头条》APP : https://bit.ly/3yLrgYZ