独家丨黎诺懿好享受身兼三职 自爆将监制3个新节目

2022-08-19 09:00

诺懿认为人算不如天算,所以不会计划太多,有机会就做好。
诺懿认为人算不如天算,所以不会计划太多,有机会就做好。

黎诺懿最近主持6集饮食节目《满足的味道》,但拍足8个月,他承认成本贵过部剧集,自爆节目原本有12集,希望制作高质素节目,纪录低一些香港将失去的美食,特别多谢高层曾志伟大力支持。他又透露已向志伟卖桥成功,会监制另外3个新节目,还很享受现在身兼演员、主持和监制3个身份。采访杜 摄影:朱伟彦 场地:Velo Italian Bar & Grill

诺懿已计划再监制3个新节目,到时应该有排忙。
诺懿已计划再监制3个新节目,到时应该有排忙。

诺懿认为再做饮食节目,要给观众新鲜感,除了高质,还要有意义,「其中一个重要主题,我哋下一代未必食到呢个味道,有啲牌照未必再批,亦都可能个师傅冇人肯接手,好多后生仔觉得成日对住个炉好辛苦,而作为爸爸佢亦唔想下一代系咁,作为爸爸我都理解,但对食客系个损失,希望个节目纪录低。」

 

诺懿拍《满足》时亲自去捉鱼,发觉海上鲜已难搵。
诺懿拍《满足》时亲自去捉鱼,发觉海上鲜已难搵。

 

诺懿认为传统美食的师傅买少见少,好想纪录低他们的故事。
诺懿认为传统美食的师傅买少见少,好想纪录低他们的故事。

曾想离开TVB

节目只得6集诺懿坦承未够喉,但要看观众反应,「锺意咪开第二季罗!我相信口碑好,公司会好支持。」他又自爆节目本身有12集,「奖门人(曾志伟)话,你哋咁样拍法咪下年先出街,攞住6集出街先啦!其实我哋仲有题材喺度,譬如讲鱼蛋同埋即食面。」他又透露继《仨心友行3》后,已向曾生提议了3个新节目,全部已过关,不过就大卖关子不肯讲题材,「梗系唔讲啦!讲咗咪畀人抄!大家差唔多会睇到,但全部同食都冇关系。」

诺懿监制的《仨心友行3》在马来西亚已播,好快香港有得睇。
诺懿监制的《仨心友行3》在马来西亚已播,好快香港有得睇。

 

诺懿好支持老友张达伦向外闯,但自己未有特别计划。
诺懿好支持老友张达伦向外闯,但自己未有特别计划。

提到老友张达伦最近离巢外闯,诺懿坦承曾经想过离开公司,但做了监制后就打消了念头,「呢个课题经常喺我哋朋友圈出现,离开TVB去第二度发展,但系呢一、两年我接触咗监制岗位后,呢个课题对我已经唔再重要,因为去到边度,只要你嘅成品、作品系好,边度都一样,𠵱家网络世界好发达,除咗做TVB嘅节目,仲可以做网上嘅嘢,同以前唔同晒。」加上他明白很多际遇自有安排,「我𠵱家41岁更加明白到有啲嘢,唔系自己拣,系人哋安排好咗,好似《疫境厨神》,唔系有疫情,我唔会有得煮嘢食,唔会帮手做监制,有啲嘢冇得plan。」他又坦承很享受现在身兼演员、主持和监制,「几得意,我可以拍吓剧,又可以做吓主持,又可以做监制,3个范畴3样唔同嘅嘢。」

诺懿最近参与新剧《婚后事》,他大赞剧本和拍档赖慰玲都超正。
诺懿最近参与新剧《婚后事》,他大赞剧本和拍档赖慰玲都超正。

 

诺懿有个好太太李洁莹照顾屋企,令他可无后顾之忧工作。
诺懿有个好太太李洁莹照顾屋企,令他可无后顾之忧工作。

 

立即下载 | 全新《星岛头条》APP https://bit.ly/3yLrgYZ

 

關鍵字

最新回应

關鍵字

相關新聞

热门文章

You are currently at: std.stheadline.com
Skip This Ads
close ad
close ad