独家丨赵颂茹拒提周永恒有冇畀赡养费 做靓份CV重新出发

入行20年嘅赵颂茹（阿Yu）相隔18年再推出新歌《大致天晴间中有雨》，唱出人生无常，总有阴晴不定，但下雨天总会过去，喻意要拥抱旧时，展望将来。其中有句歌词系：「轻轻呼气顷刻释怀 我已没有恨」，曾被出轨前夫周永恒家暴嘅阿Yu，坦言已原谅咗对方，唔想将宝贵嘅时间放喺唔开心嘅事情上。采访：方骞平 场地：观塘兴业街The Stadium

赵颂茹希望有40岁嘅智慧，且每年要有进步。

刚踏入40岁嘅单亲妈妈赵颂茹趁住出道20年推出新歌，除咗带出鼓励讯息，坦承要做返好个CV(履历表)，唔想大家只记得佢曾被家暴及已离婚。

阿Yu相隔18年再推出新歌《大致天晴间中有雨》。

阿Yu最想做称职单亲妈妈。

与两女生活开心
不过，阿Yu否认为咗「洗底」：「发生咗嘅嘢抹唔走，每个人嘅人生总有唔同嘅嘢发生，有开心，有唔开心，我亦冇得怪人划花咗我个CV，因为好多时自己都有份参与，唯有展望将来，变得愈嚟愈好。」阿Yu拒提已经再婚嘅前夫，有否畀赡养费3母女，她避忌说：「讲咗咁多年唔再讲喇！我有我嘅生活，我同大女信希及细女爱希生活得好开心，两个女都清楚知道发生乜事，所以最好唔好再提起佢啦。」

阿Yu跟前夫周永恒有段甜蜜过去，最后被背叛，反面收场。

阿Yu同两女相依为命。

2018年周永恒离婚后不久，即同陈薇奉子成婚。

阿Yu亦强调佢系开心嘅，唔系强颜欢笑：「《金宵大厦2》集惨事于一身，所以有机会我都想拍啲开心嘅角色。」阿Yu透露目前喺冻肉公司做文职养女，工馀时间用嚟凑女及兼顾幕前，为两女搵返啲补习费，生活充实冇谂过拍拖：「都有朋友做过红娘，但沟通唔到，可能年纪大咗唔只要求外表。」

去年11月赵颂茹为《Reinvention 马天佑 衫。重奏》演出。

阿Yu唔想再拍啲悲惨角色，唔想惹嚟误解。

立即下载 | 全新《星岛头条》APP : https://bit.ly/3yLrgYZ