Juicy叮｜公屋妈苦恼送学业平平女儿出国留学 抑或花近百万买楼

一名港妈在「亲子王国」讨论区发文，表示女儿读书成绩平平，而手持约百万元现金，犹豫应该送女儿出国留学，抑或在港用作买楼首期。

妈妈解释，一家人住实用面积约350尺的公屋，现年15岁的女儿学业成绩一般, 性格内向，如果将来无法在香港升读本地大学，担心将来人生路好难行，其他家人又施压。她现在手持接近100万元现金，不知该如何是好，「究竟应该畀佢出国留学or买绿置居(约250万）」。

发文者坦言，「其实我自己都偏向买楼多啲，香港地最紧要有瓦遮头，虽然我年纪都唔细，但勉强仲有能力供绿置居，但其他人觉得我自私，勉强都仲可以供佢去外国读书，点解唔为佢将来铺好条路，佢哋全部都觉得无张沙纸就系死路一条」。她又解释，「担心将来如果个女做老姑婆起码有瓦遮头」，「计过如果楼价$250万，借150万分15年，每月供款大约一万蚊左右，我年纪唔细㗎啦，尽量唔想拖咁长」。

网民认为要视乎女儿学习能力以及意愿才决定是否送出国留学。《亲亲我好妈》示意截图

有网民就建议，「要睇佢有无心想读，或者有无target将来向边个方向发展，如果佢无心机读，就算畀佢去外国读，未必一定有成绩，或者再睇下其他学校」、「我向来觉得唔系读书材料唔好勉强读上去，要读佢自己将来出黎做野再进修先会认真读的。」、「有心读香港都可以读， 点解一定要出国？使一大笔钱， 如果本身读书麻麻出国读都改变唔到几多。唔好谂住出过国留学好吃香」。

有人则认为，「大把例子岀国读完返来都是量地。我系你一定买楼做首期。系有心读既请佢系香港畀心机好好读，上唔到大学依家多了好多途径可驳返上去。而唔系用100万去买个海外学位咁就叫有生路行」、「大把人喺外国读完书返嚟都系搵紧万零二万蚊嘅工咋」。

发文者最后指，「我谂呢两年宁愿洗多啲钱迫佢补习，务求令佢成功入香港嘅大学，如果勉强去外国入啲三线大学，认受性我相信同副学士无分别，咁不如留返啲钱睇吓之后再做其他用途」。

帖文转载自「亲子王国」讨论区

星岛新闻集团庆回归25周年专题网站，请即浏览
立即下载｜全新《星岛头条》APP：https://bit.ly/3yLrgYZ