肥男美孚站月台扮「唱钱」抢港女$10 街坊：呢个系惯犯！

美孚近日发生一宗公然抢钱的事件，非常猖狂！有女街坊近日在社交平台发文讲述亲身经历，指昨日在美孚港铁站的月台等车期间，一名男子上前要求「唱钱」，当她打开银包指自己仅得一张10元钞票时，对方竟一手枪走往大堂跑去。有网民指该名男子为「惯犯」，经常在月台问乘客「唱钱」，当对方表示没有「散纸」时便会遭佢大骂。

一名女网民于「Mei Foo 美孚」facebook群组发文，指昨日（9日）傍晚在港铁美孚站往荃湾方向的月台等车，其间一名年约40至50岁，戴黑色cap帽、头发染绿色的肥男拿住一张$20的钞票靠近，并向她询问「有冇得唱散」，「我打开银包睇， 咁啱未㩒钱，得两张$10，我话『sorry ， 得一张$10』，个男人一手攞咗， 跟住扮有电话即搭扶手梯冲上大堂，追都追唔切」。

事主忆述事件感到气忿又无奈，直言「完全冇谂过可以咁样抢」，又指自己当时赶住外出，损失的金额只是$10，「谂住算鬼数」，后来觉得不应这么容易放生贼人，于是将自己的经历放在facebook，希望大家小心提防。

不少网民纷纷留言，指事主遇上的肥男是一名「惯犯」，经常以同样手法抢钱，「佢经常话唱钱，我上次无仲比佢X！」、「我都遇到，当时我赶时间接放学，叫佢自己去商铺去唱，佢居然闹我，我都觉得好嬲，依家先知原来佢系呃钱党」、「我在月台遇过这男人，我话无散纸，被他闹」、「我半年前都遇过佢，又系问有冇散纸唱，我准备抽手入去攞银包的时候，佢又话咩个八达通无钱，一阵又话用手机app过返畀我，我见势色唔对，银包都唔攞就话冇，佢就一路行上电梯一嗰系咁闹我」。

有多名网民认为遇到涉事肥男应该立即通知职员并报警，不应不了了之，「其实佢醒呀，抢$10你都唔会话真系报警，如果佢勤力啲，每日抢100个人就成千蚊㗎」、「咁有冇同地铁职员讲？今次10蚊，下次可能……至少睇咗闭路电视，有个record（纪录）」。

星岛新闻集团庆回归25周年专题网站，请即浏览
立即下载 | 全新《星岛头条》APP :  https://bit.ly/3yLrgYZ