独家丨盖世宝过度晒黑被指黑过古天乐本尊亲回：大家娱乐吓啫

2022-08-10 07:00

现年43岁的盖世宝（Lulu）在2019年离开TVB，至今依然是自由身。幕前工作量不多，但仍不时更新社交网，日前她上载一张近照，见她晒得一身黝黑，由于黑到近乎黑人的肤色，吓亲不少网民，纷纷留言：「黑过黑人了」、「又扮Maria」，有人更调侃道：「仲黑过古天乐」，即引得本尊回覆：「其实冇咁黑㗎！」、「只是环境灯没打开」。

呢张相被指过度晒黑，被指「仲黑过古天乐」。

呢张自然光，但似乎都系好黑。

古天乐晒黑之后愈有运行。

对于被指黑过古天乐，盖世宝今日回覆《星岛头条》时表示不介意，大方回应：「😅😅咁又冇话介意嘅，大家娱乐下啫。」她解释晒黑原因：「是咁的，前排游咗一阵水，晒黑咗少少…。至于社交平台嗰张相呢，应该系因为嗰日室内环境暗咗，摄影朋友开咗两盏靓灯畀我影相，但就出咗呢个效果，同时我电话个mon调光咗，所以唔察觉张相咁黑令大家误会了。」问到可担心肤色维持太耐？她说：「我白得都算快㗎，每日一个橙。」

问到最近工作量？她说：「最近冇乜特别嘢忙㗎，生活上只想抓紧4字头嘅尾巴，尽量做多啲想做嘅嘢呢。」