头条独家丨张子丰拣女友要识欣赏星爷 疫情下出新歌唔会悭

张子丰（Fred）最近推出原创新歌《保持通话》，跟过往作品《烂片王》、《痴心情长剑》及《完美情人》一样，用戏名嚟做歌名。原来Fred好锺意古天乐主演嘅电影《保持通话》，问到Fred眼中嘅古仔系咪完美情人？他笑说：「我眼中嘅完美情人得一个要求，一定要锺意睇周星驰嘅戏！」 采访：方骞平

张子丰《保持通话》MV带有科幻元素。

张子丰最近推出原创新歌《保持通话》MV冇缩皮。

Fred相隔两年再出原创歌《保持通话》，新歌配合电子曲风走轻快路线，带点sweet同以往唱嘅惨情歌唔同：「疫情下大家都觉得沉闷，都好想听吓开心嘅歌。」 

歌曲中讲到同女主角失联，要利用当时嘅科技去寻找对方。

张子丰拣女友要识欣赏星爷。

六位数拍MV

《保持通话》MV带有科幻元素，讲述3个时空嘅男女主角，分别利用当时嘅科技去寻找对方，设法与对方联络，仲搵嚟中法混血儿网红J Lou（林欣）做女角，饰演50年代嘅美国发明家「蓝牙之母」Hedy Lamarr。就算疫情下影响到各行各业收入，但Fred坚持MV要有质素唔会缩皮，仲喺公司搭咗个太空舱景，花近6位数字制作，拍得相当唯美：「首歌喺去年开始筹备，疫情下被迫停咗一阵工，不过冇得再等，只能尽做。」

Fred跟网红J Lou首次合作，但又几合拍。

花咗两日时间拍摄《保持通话》MV，仲喺公司搭咗个太空舱景。

Fred坦言好锺意古天乐嘅电影，而周星驰更加系佢超级偶像：「我特别锺意《逃学威龙》会睇无限次，因为佢系入面太靓仔太有型喇！星爷系个聪明人，先能够做到喜剧之神嘛！所以将来嘅对象一定要锺意睇周星驰嘅戏，否则同佢沟通唔到。」

Fred最锺意翻睇周星驰嘅《逃学威龙》，大赞百看不厌。

Fred话古天乐嘅电影《保持通话》相当刺激。

Fred同另一个Fred郑俊弘都系「星粉」，前者更担任后者结婚时的兄弟。

Fred对上一首原创歌《完美情人》已是两年前嘅事。

 更多新冠疫情资讯，请到以下专页浏览（按此）
立即下载｜全新《星岛头条》APP：https://bit.ly/3yLrgYZ