黄剑文拍片分享一日擦六餐 食极唔肥怕被人话嚣张

黄剑文日前拍摄寻觅香港美食为主题的网片，为餐饮业复苏打气，其间要品尝新鲜南美海胆，少食鱼生的他面露难色说：「因为我以前好少食海胆，慢慢配埋寿司饭都可以接受到，今次要我一大嚿咁食入口，啲味浓到『浆』住个口讲唔到嘢，经历今次之后接受程度系高咗。」

 

黄剑文（右）表示有时为攞灵感写歌，会靠暴饮暴食。

 

因拍摄要到访多间餐厅，黄剑文食足六餐，更为工作人员加餸，他说：「得罪讲句呢，其实我系食极都唔肥，反而呢刻系想增磅，所以拍饮食节目真系难唔到我，不过我唔敢同人讲，因为咁嚣张怕比人打。嚟紧月底我都会出新歌《人间飘浮》，有时会靠暴饮暴食攞灵感，如果成绩好而疫情又OK的话，我就请粉丝食餐劲嘅！」此外，节目中有介绍红酒的部分，黄剑文自言易醉，因此不敢开怀畅饮，但却即场被KOL拍档踢爆讲大话，指他由朝早饮到天黑，仍然口齿伶俐。

 

黄剑文（右）自称易醉，不过却被拍档踢爆讲大话。

 

更多新冠疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ