独家丨黄夏蕙笑谈性生活:老夫老妻都有开心嘢 饯别宴被狂集邮老公黑晒面

2022-08-05 01:30
黄夏蕙笑谈老夫老妻和谐性生活。
黄夏蕙笑谈老夫老妻和谐性生活。

黄夏蕙(夏蕙BB)将于下周四(11日)随86岁老伴潘炳烈移民美国,上周六晚,夏蕙BB于酒楼举行饯别宴,《头条娱乐》记者现场直击,头戴王冠嘅BB满场飞劲开心,不过老公潘炳烈因不满变成「吉祥物」,不断被要求合照而黑晒面,仲嬲到好似小朋友咁双手托头,真系好想递架玩具车畀佢玩呀,BB见状即谂计呵返,两位加埋近200岁嘅耆英夫妇好Sweet!强调今年「只系」89岁嘅夏蕙BB更自爆性生活依然美满:「就算老夫老妻都有开心嘢嘅!」真系听到个心离一离呀衰鬼。采访:方骞平

潘炳烈手指指闹人影佢相,夏蕙BB即方寸大乱。
潘炳烈手指指闹人影佢相,夏蕙BB即方寸大乱。

夏蕙BB人缘唔错,离港前相约一班老友于酒楼见个面,同BB做咗几十年老友,80岁嘅卢海鹏就算行动不便一样现身;一班「亚视之友」潘志文、徐宝凤、魏秋桦、王玮出晒嚟,仲有邵音音、吕珊、车叔梅夫妇、刘雅丽妈妈包晓华、张伟文经理人方俊及方丽盈等。「千岁宴」每枱设有丰富席奖,台上有切烧猪、醒狮及演出助庆。

卢海鹏及张伟文经理人方俊都系黄夏蕙老友。
卢海鹏及张伟文经理人方俊都系黄夏蕙老友。

 

车淑梅送上精致嘅宝箱礼物。
车淑梅送上精致嘅宝箱礼物。
当晚嘅出席朋友,大部分上咗年纪。
当晚嘅出席朋友,大部分上咗年纪。
当晚菜单有烧味拼盆、炸虾、花胶及蒸龙趸等。
当晚菜单有烧味拼盆、炸虾、花胶及蒸龙趸等。
席奖有金饰、茶叶、中国酒及中成药等,仲有写住「香港人契妈」嘅纪念品。
席奖有金饰、茶叶、中国酒及中成药等,仲有写住「香港人契妈」嘅纪念品。

BB好怕老公发脾气

当晚方俊及方丽盈齐唱《世间始终你好》;包晓华、吕珊、魏秋桦合唱《万水千山总是情》。而最受「熟女」欢迎嘅「陈年男神」潘志文,独唱完《大地恩情》后便跟BB共唱「饮歌」《禅院钟声》,主人翁在台上致谢词:「我好想喊,好唔舍得大家,你哋太锡我…」虽然未见有泪光,但潘志文却拉高衫尾,作状帮她抹泪。全晚个个表现兴奋,替BB饯行之馀亦跟其它圈中好友聚旧,唯独夏蕙BB老公潘炳烈好似完全唔关佢事,唔肯上台又呆坐主家席自斟自饮,原来佢不满入席前不断被集邮而面燶燶,更发老脾大闹:「影够未?」连夏蕙BB都吓亲,乖乖咁坐返埋佢身边,然后向助手打眼色,示意身边人帮手护驾,挡开陌生人。

潘炳烈双手托头,无声抗议做咗「吉祥物」。
潘炳烈双手托头,无声抗议做咗「吉祥物」。
好彩后来有相熟朋友同佢有倾有讲,潘sir先识笑。
好彩后来有相熟朋友同佢有倾有讲,潘sir先识笑。
方俊及方丽盈齐唱《世间始终你好》助庆。
方俊及方丽盈齐唱《世间始终你好》助庆。
夏蕙BB台上话感动到想喊,潘志文扯起衫尾,作状帮她抹泪。
夏蕙BB台上话感动到想喊,潘志文扯起衫尾,作状帮她抹泪。
晓华姐放下家事跟吕珊、魏秋桦合唱助庆,她向本报再次否认私吞帛金,强调人在做天在看 !
晓华姐放下家事跟吕珊、魏秋桦合唱助庆,她向本报再次否认私吞帛金,强调人在做天在看 !
夏蕙BB不忘行善,邀请宾客为黄夏蕙基金会筹款。
夏蕙BB不忘行善,邀请宾客为黄夏蕙基金会筹款。

夫妻相处勿讲大话

夏蕙BB随老公赴美,问到可会带备情趣内衣同老公玩吓惊喜?BB笑言唔需要,自爆两公婆仲Keep住有情趣,她坦白说:「开心嘅嘢…乜嘢都有啦(包括性),就算老夫老妻都有老夫老妻嘅嘢!」再追问如何保持长久火辣辣时?她更兴奋地爆多两句畀大家听,骑骑笑说:「唔辣点可以有咁多年呀!」更坦言仍有性生活:「(性生活)呢啲梗系有啦,系顺其自然!」不过,讲到同老公相处之道,BB就话最重要系坦白:「性生活反而系其次,千祈唔好讲大话,就算佢唔锺意都好,都要坦诚讲佢知!而且大家要互相忍让,有时佢叻畀佢叻,有时我叻畀我叻,大家系平等嘅。」

黄夏蕙头戴王冠,以女神造型现身。
黄夏蕙头戴王冠,以女神造型现身。

老公投诉BB唔检点

在旁方俊补充指夏蕙BB身材好,够开心,所以老公对她死心塌地,BB照单全收,得戚地和应一句:「系呀!我身材好。」经理人Simon则踢爆夏蕙BB其实好Wild,笑指她打开「野战」:「有次送佢去新田垃圾站,老公接咗佢之后,两公婆好快就『消失』咗!据我所知,佢一返到屋企就唔着衫唔着裤,潘Sir曾投诉过佢:『你检点吓,拉咗窗帘先啦!』」BB听完偷笑解画:「可以放心,唔系咁样,只系除晒衫准备入去冲凉,呢啲系好自然嘅事,但佢惊我畀人睇到啫!」

夏蕙BB同老公恩爱几十年。
夏蕙BB同老公恩爱几十年。

 

星岛新闻集团庆回归25周年专题网站,请即浏览

立即下载 | 全新《星岛头条》APP : https://bit.ly/3yLrgYZ 

關鍵字

最新回应

關鍵字

相關新聞

热门文章