黄夏蕙谈MIRROR演唱会事故入行多年首见：睇到个心都离咗

2022-07-29 19:30

黄夏蕙今日与曾参加《造星IV》的何佩到旺角出席 17LIVE举办的街头音乐节，夏蕙姨透露将于下月11日离港，但离开前已相约一班歌手及朋友食饭。

夏蕙姨现身街头，吸引不少人围观。

MIRROR的演唱会昨晚发生严重事故，夏蕙姨坦言好唔安乐。

对于MIRROR演唱会昨晚（28日）出现严重事故，舞台发生意外令舞蹈员受伤，夏蕙姨指自己亦有留意，亦觉得非常唔开心：「咁开心嘅事，而家搞到好唔安乐。」问到本来是否会入场观看演唱会，她说：「我买唔到飞，张飞炒到太贵，成25,000蚊，我冇钱买。」提到她在意外发生后，曾在社交网转发舞蹈员意外影片并留言「希望吉人天相」，不过事后却删走影片，她説：「唔想再睇，好惊，入行咁耐第一次见，好伤心，少少意外系唔紧要，真系睇到个心都离咗。」夏蕙姨又指不知道谁要为这次意外负责，现在只是希望伤者能快点痊愈。稍后将在美国登台的夏蕙姨，坦言因经过这次事件，会更注意舞台安全。

同场的何佩亦表示有留意MIRROR演唱会的事故，但她认为现阶段不方便讲太多。被问到有否联络So Ching？她说：「有祈祷祝福，而家唔打搅系最好嘅事。」