MIRROR演唱会丨汪明荃睇头场已觉升降桥唔稳阵认为经验不足毋须太多机关

2022-07-30 21:30

近日获颁金紫荆星章的汪明荃（阿姐）今晚出席「八和粤剧学院课程汇报演出」，阿姐表示很开心政府能看到她做的事情，对她来说也是一种鼓励，但笑言家英哥没有表示，希望等疫情好转后可相约朋友吃饭庆祝。

汪阿姐今日出席活动谈及MIRROR演唱会事故。

提到MIRROR演唱会日前发生严重意外，曾观看头场的阿姐表示当日也觉得舞台危险：「条桥好似唔稳阵，同埋Anson Lo几个动作、向后倒，其实都好危险。我哋做大戏都有做，但个底就会铺好多榻榻米，佢哋好似冇。」阿姐希望受伤的舞蹈员能大步槛过：「咁年轻，又靓仔，佢跳得几好，希望佢冇事，我睇完出事条片，揸车一直喺度震。」阿姐又指MIRROR是当红团体，演唱会不需要太多机关：「大场都未上过，冇咁多经验，做一个四面台系唔简单，艺人要顾好多嘢，佢哋人已经多，dancers又多，根本唔够位跳，啲位太迫、机关太多，佢哋排练时间又少，一下子上台要记咁多，但又唔熟个台就好容易行错，其实佢哋个show系未ready，不过嗰日我都睇得开心，佢哋好年轻，好有才华。」

汪阿姐日前先睇完MIRROR红馆骚头场。

有Fans发觉MIRROR演唱会上用的升降桥唔稳阵。

汪阿姐睇头场都觉得升降桥唔稳阵。

AL咁样瞓落台，汪阿姐都觉得唔安全。

汪阿姐认为MIRROR咁红，但大场演出的经验不足，认为毋须太多机关。

提到当年林子祥为她担任演唱会表演嘉宾时发生意外，阿姐説：「当时观众好兴奋，佢戴咗耳机听唔到，一直向后退跌咗落去。」问到阿姐以后开红馆骚会否担心安全问题？她表示不会：「自己知道要检查，每个部门都要做好自己嘅准备，同埋真系要排多少少，佢哋12人走位多好多，出出入入又好多，冇经验嘅人做四面台系唔容易，要用多啲功夫，顾唔到咁多，在台上会兴奋，啲机关唔应该咁样。（作为前辈如何鼓励他们？）最紧要小心，唔只艺人，最重要主办机构，一定要负责，搞到咁大件事，未试过！」