《全民造星V》海外招募顺便拍真人骚花姐为黑面Ian平反：佢唔识扭计

2022-07-15 17:15

ERROR成员梁业（肥仔）、何启华（阿Dee）联同黄慧君（花姐）现身《全民造星V》招募记者会，席间公布今年增设海外招募，并派出MIRROR正副队长杨乐文（Lokman）和江𤒹生（Anson Kong）到温哥华、肥仔和阿Dee到吉隆坡一个星期，除出任评审，亦会以真人骚拍制节目。作为监制的花姐表示节目一直的宗旨是为香港人带来振奋与希望，多年来节目培育出多位明星，亦会视之为自己的成就。

花姐去年曾担心肥仔和阿Dee（左）会教坏细路，但见二人工作认真，仲会帮助参赛者。

花姐表示节目培育出多位明星，会视之为自己的成就。

现场播出肥仔和阿Dee于4年前的参赛照，二人与现时做对比，花姐取笑肥仔当年后生好多，阿Dee就瘦好多，又坦言当年签二人时有反对声音，但现在证明二人有才华，自己也老怀安慰。今年将有别于过往以靓仔、靓女做标准，首选有才华的人，花姐受访时被问到可担心肥仔和阿Dee会教坏参赛者？肥仔抢说：「现在嘅小朋友已经好坏，唔使我哋教。」花姐续表示：「其实去年都担心佢哋两个会教坏细路，但佢哋表现到工作认真，仲帮助参赛者激发技巧和才华。」

二人将到吉隆坡一个星期，除出任评审，亦会拍真人骚。

花姐表示当年签肥仔和阿Dee时有反对声音。

对于有报道指陈卓贤（Ian）因臭脾气得罪公司，但扭计成功反而硬抢队友李骏杰（Jeremy）的出歌档期，抢先发布新歌。花姐即为Ian平反：「佢好惨，又俾人话，其实Ian系MIRROR 12个之中最树熊的一个，睇佢个样就知佢唔识扭计，佢有个唔好嘅缺点就系好慢热，同陌生人相处需要时间沟通，可能因为咁被人误会、好唔抵！其实去年已经计划帮佢出自己嘅创作歌，但发生一啲问题而延至今年；至于Jeremy未出歌系涉及音乐上嘅技术问题，过两日会出，而且首新歌好破格。总之演唱会前，MIRROR 12位成员都会出新歌。（Ian的情绪有否受报道影响？）佢当晚即刻有传讯息俾我，话如果佢态度唔好，我就要小心啲，因为我成日黑面，态度仲衰过佢，佢仲同我讲笑。」

ERROR已定于8月出新歌，肥仔笑言：「我又要扭计出5首歌！」然后向住花姐扭pat pat，吓得对方大叫：「你好肉酸呀！」