日日妈妈声丨胡渭康30岁先知自己系养子 感激养父母无私的奉献

胡渭康、吴若希和徐荣在昨晚（3日）播出的一集《日日妈妈声》第二辑担任嘉宾。现年56岁的胡渭康出身于普通家庭，直到30岁才得悉自己是养子，虽然养父母与他没有血缘关系，但养父母对他的爱相当无私，胡渭康对此感到非常感激，他说：「我细个时体弱多病，一个礼拜可以去两、三晚医院，虽然爸爸妈妈系普通人家，但佢哋都好舍得使钱帮我补身，会炖鹿茸、高丽蔘畀我食。」胡渭康自小热爱唱歌，15岁时参加了第一届新秀歌唱大赛，原来亦是多得养母悉心栽培，胡渭康说：「妈咪见我咁锺意唱歌，喺嗰时咁普通嘅家庭环境之下，都请老师返嚟教我唱歌，真系冇说话好讲！」

 

胡渭康去到30岁先知自己系养子。

 

胡渭康非常感激养父母对佢无私嘅爱。

 

育有一子一女的吴若希（Jinny）分享育儿心得，Jinny透露囡囡比较斯文，囝囝则属于放飞自我类型，最锺意唔着衫周围走，相当搞笑。学习能力方面，两姊弟亦有很大差别，家姐语言能力较佳，细佬则运动能力较强。一般人认为女儿是爸爸的前世情人，儿子则是妈妈的前世情人，Jinny却笑他们一家人刚刚相反：「囡囡成日黐住妈妈，囝囝就每朝起身会好Sweet咁去嗌爸爸，同埋囡囡好易呷醋，我揽住爸爸或者细佬，佢就会问：『点解你冇揽我？』」提到老公家中地位，Jinny笑指囡囡和囝囝地位最高，工人姐姐和宠物紧随其后，老公则排在最尾，她笑言：「工人姐姐地位好高，因为要帮手凑小朋友，小朋友都特别黐佢哋，我都觉得有少少对唔住老公！」

 

吴若希透露囡囡性格比较斯文，而囝囝就比较好动。

 

吴若希爆老公家庭地位最低，工人姐姐同埋宠物都高过佢！

 

徐荣就最爱黐住仔女，放工回到家就会揽实女儿减压。讲到囝囝与囡囡相差9年，徐荣指有过第一次凑仔经验后，照顾囡囡时变得更得心应手，而最难忘则是入产房剪脐带，他说：「第一次剪脐带腾腾震，好似剪肠粉咁，要两只手先至剪到，第二次就好熟手，一埋到去就即时用两只手！」

 

徐荣都要感受吓生仔嘅痛楚。

 

徐荣自认爱黐住仔女，仲自爆好锺意揽实囡囡减压。

 

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ